Kengúran

2010-03-14T15:40:00.001+11:00

Þá er ég búin að setja upp Ebay verslun með nýjum og notuðum barnafötum.

Endilega kíkjið á síðuna hjá mér FREYJA'S BOUTIQUE

I have started up an Ebay Store, selling mostly designer baby and children clothing.

Have a look at my shop here FREYJA'S BOUTIQUE

While I'm advertising sites here I might as well also mentions dad's FLICKR site where he is selling his Catalina PBY-5A Plans he drew up himself. The site has heaps of photos of the plans, the plane and more.

CATALINA PBY-5A PLANS
I was also helping him create his own website for the PBY-5A Catalian.
http://www.wix.com/Sturla/PBY-Catalina
There he is selling his giant scale Catalina plans, Retracts, Cowls, Blisters...

2010-02-12T12:19:00.001+11:00

It's been a long time....

Anyways, var að hjálpa pabba að selja teikningar af PBY-5A Catalina á Ebay. Setti þetta inn í gærkvöldi og núna er bara að bíða að sjá hvort þetta selst.
PBY-5A-Catalina Plans

Hér er svo FLICKR síðan hans pabba með fullt af myndum af módelinu og teinkngunum.
http://www.flickr.com/photos/sturla/

2009-05-27T11:04:00.003+10:00

Ok þá erum við að leggja í hann á morgunn. 24 tíma flug...jeii. Jæja það er vonandi að það gangi allt vel. Við lendum svo í London á föstudaginn og verðum þar í 4 nætur. Ég og Freyja fljúgum til Íslands á þriðjudeginum (2. júní) en Patrick fer til Írlands sama dag og kemur svo til Íslands sex dögum seinna. Já okkur hlakkar mikið til!

Reyndar er Patrick með áhyggjur að honum verði ekki hleypt í flugvélina þar sem hann er með kvef, hálsbólgu og hósta. Hann er nú samt örugglega ekki með svínaflensu þar sem ég held að maður verði nú aðeins veikari af henni. En Patrick heldur að það sé nú aldrei að vita hvað þetta gæti verið (hann heldur auðvitað að hann sé við dauðans dyr). Freyja er líka búin að vera með kvef (og er ennþá með smá kvef). Það er svo mikið af svona að ganga eins og er. Ég er ekki með neitt kvef...allavega ennþá. Ætli ég fái þetta ekki í flugvélinni og þurfi svo að fara í einangrun í London. Annars veit ég ekki hvort ég ætti að kaupa grímu handa Patrick til að hafa í vélinni. Þá er ég meira að hugsa það út af öðrum farþegum þar sem sumir eru eitthvað svo "paranoid" og myndu ekki vilja sitja við hliðina á einhverjum með hósta. Svo vorum við að fatta að ferðatryggingin okkar mun ekki tryggja okkur fyrir svínaflensu. Tryggingarfélagið er víst búið tilkynna það ásamt mörgum öðrum. En ef maður fær venjulega flensu þá er maður tryggður. Fáránlegt!

Jæja ég verð að fara að halda áfram að pakka niður. Sjáumst eftir nokkra daga!

2009-04-22T15:49:00.004+10:00

Ég er uppgefin í dag. Það er svo mikið að gerast í félagslífinu hjá henni Freyju. Á sunnudag fórum við öll í kvöldmat til Maree systur hans Patricks. Yngsti strákurinn hennar átti afmæli, varð 19 ára. Ég og Freyja kíktum svo í heimsókn til Dianne og Milly á mánudaginn. Þær búa bara hérna tveimur götum ofar. Í gær hittum við svo Isabel og Milly (og mömmur þeirra) á kaffihúsi og um kvöldið fór ég á Tupperware kynningu (partý) hjá einni stelpunni í mæðrahópnum. Freyja kom nú reyndar ekki með þangað. Í morgunn fórum ég og Freyja á bókasafnið. Þar var söng og lestratími fyrir litla krakka. Við fórum svo á kaffihús með nokkrum mömmunum á eftir. Já þetta er erfitt líf þegar maður er heimavinnandi húsmóðir ;0P Veit ekki hvernig ég á eftir að höndla að fara að vinna 3 daga í vinnu.

En jæja það eru bara 5 vikur þangað til við leggjum í hann og minna en 6 vikur þangað til við komum til Íslands :0) Ég er leinilega að vona að krónan haldist lág í nokkrar vikur í viðbót. Svo má hún alveg taka góðan kipp upp á við eftir að við erum búin að vera þar. Erla sendi mér lista yfir verð á algengum hlutum á Íslandi um daginn og flest virðist bara vera á svipuðu verði og hér (af því að krónan er svo lág og ástralski dollarinn í hærra lagi). Reyndar kom mér á óvart hvað mjólk er rosalega ódýr á Íslandi. Mun ódýrari en hérna en hins vegar er kók mun dýrara en hér. Það er svo sem í lagi þar sem það er nú hollara að drekka mjólk. Síðan er auðvitað bensínið ennþá dýrara á Íslandi en flest annað er mjög svipað eða kannski aðeins dýrara. En ef að krónan styrkist mikið eða dollarinn lækki þá held ég að manni muni nú finnast hlutirnir dýrir.

Svo er ég búin að vera að selja smá á Ebay undanfarið. Seldi nokkra geisladiska til að byrja með og svo gömul föt sem ég hafði eiginlega aldrei notað. Ég get nú ekki sagt að ég hafi grætt heilmikið á þessu, því eftir að Ebay og PayPal taka gjöldin fyrir þetta þá er nú ekki mikið eftir. Þetta er nú samt áhugavert og hef ég skemmt mér við þetta.

Hérna er svo ANZAC dagur á laugardaginn (minningardagur hermanna í Ástralíu og NZ). Þetta er yfirleitt frídagur hérna en í ár lendir hann á laugardegi. Ég held að Patrick sé að plana að vakna snemma og fara með Freyju á svona minningarathöfn hérna í Ballarat um morguninn. Þetta byrjar um sólarupprás og munu gamlir sem ungir hermenn labba í nokkurs konar skrúðgöngu. Þetta er hins vegar allt of snemmt fyrir mig (klukkan 6:30 held ég). Mér finnst mun meira freistandi að kúra upp í rúmi og fá kannski að sofa út, sem að gerist ekki oft.

Já ég frétti að það séu svo kosningar á Íslandi á laugardaginn. Vona að það fari allir að kjósa og kjósi ekki einhverja vitleysinga, sem er kannski erfitt ef að það eru bara vitleysingar í boði. Annars veit ég ekkert hverjir eru í boði þar sem ég hef nú alveg gjörsamlega misst tengingu við íslensk stjórnmál og þekki ekkert þessa nýju stjórnmálamenn. Í Ástralíu er skylda að kjósa. Patrick fékk tildæmis sekt um daginn afþví hann gleymdi að kjósa í bæjarkosningunum hérna í Ballarat. Hann steingleymdi þeim. Ég þarf nú ekki að kjósa því ég er ekki ástralskur ríkisborgari sem reyndar þýðir að ég má ekki kjósa þó ég myndi vilja það. Talandi um ríkisborgara, þá fékk Freyja sitt fyrsta vegabréf um daginn. Ástralskt rafrænt vegabréf sem gildir í 5 ár. Það verður nú samt svoldið fyndið ef hún notar það þegar hún er 4-5 ára og það verður ennþá með mynd af henni þegar hún var 5 mánaða gömul. Síðan ætlum við held ég að fá íslenskt vegabréf fyrir hana líka. Annars var ég að pæla að taka með okkur fæðingarvottorðið hennar Freyju með okkur til öryggis, sérstaklega þegar ég og Freyja fljúgum bara tvær saman. Ég er sem sagt Íslendingur með ástralskt barn með mér sem er ekki einu sinni með sama eftirnafn og ég. Það ætti nú samt ekki að vera neitt mál held ég. Held það sé bara Kanada sem er með einhver lög um það þegar fólk ferðast með börn.

Ég verð víst að fara að athuga hvað hún Freyja er að prakkarast. Hún er farin að skríða út um allt hús og maður verður að passa upp á hvað er á gólfinu, eða í skriðhæð.

2009-04-13T11:19:00.003+10:00

GLEÐILEGA PÁSKA

Jú ég er víst búin að vera voðalega löt að skrifa hérna. En í dag eru 50 dagar þangað til við komum til Íslands. Reyndar eru bara 45 dagar þangað til við leggjum af stað og Freyja fer í sína fyrstu flugferð, en flugið tekur heilan dag og svo verðum við 4 daga í London hjá Toni, Carel og Ruby. Ruby á einmitt afmæli 31.maí þegar við verðum þar og hún verður 2 ára. Ég býst við að helmingurinn af farangrinum okkar verði afmælisgjafir frá fjölskyldunni handa Ruby.

Já okkur er byrjað að hlakka svolítið til að fara. Það verður frábært að hitta alla og örugglega frekar skrýtið líka því ég hef ekki hitt flesta í rúmlega 3 ár. Patrick er búinn að ákveða að kíkja til Írlands fyrstu vikuna sem ég og Freyja verðum á Íslandi. Hann mun sem sagt ekki fljúga með okkur til Íslands, heldur fer hann bara með okkur á flugvöllinn og flýgur svo sjálfur til Shannon á Írlandi. Hann kemur svo til Íslands 6 dögum seinna.

Já svo erum við búin að plana Vestfjarðarferð. Ég og Erla siss bókuðum gistingu um daginn. Föttuðum nefnilega að það væri allt að verða upppantað þarna uppfrá. Gistum 2 nætur á Látrabjargi og 3 nætur á Ísafirði. Vonum bara að við fáum fínt veður. Eftir það verður farið á Blönduós og gist 4 nætur þar sem að öll stórfjölskyldan ætlar að hittast í grilli. Hlökkum okkur mikið til þess. Svo er aldrei að vita nema að maður skreppi til Akureyrar. Sjáum til með það.

Já þetta eru svona aðalplönin hjá okkur. Við ætlum nú svo líka að gera eitthvað skemmtilegt með honum pabba og svo þarf maður nú að hitta alla. Verðum að plana nokkra hittinga.

Annars vil ég bara óska öllum gleðilegra páska. Það er víst annar í páskum í dag og ég held áfram að narta í páskahéran minn. Reyndar eru þetta kallaðar kanínur hérna ekki hérar. Hérna er páskakanínan (Easter Bunny) svipuð og jólasveinninn. Kanínar kemur um nóttina og dreifir páskaeggjum út um allt. Felur þau um allt hús og garðinn ef veður leyfir.

...svo má ég ekki gleyma að óska henni Erlu systur minni til hamingju með afmælið í dag. Hún er víst 26 ára í dag. Já hún er að komast hættulega nálægt þrítugu stelpan. Vona að þú hafir það gott í dag!

Ps. Ég veit ekki hvað er í gangi með letrið hérna. Það er allt út um allt og ég get ekki breytt því.

2009-03-11T11:44:00.002+11:00

Ég fékk heimsókn frá Vottum Jehóva áðan. Fyrir tveimur vikum síðan fékk ég heimsókn frá Mormónum. Stundum kemur að heimsækja mig fólk frá rafmagnsveitum til að reyna að fá mig til að skipta um fyrirtæki. Þetta fólk talar yfirleitt mjög bjagaða ensku og er oft hálf dónalegt finnst manni. Reyndar gæti það bara verið afþví að þetta fólk er yfirleitt frá Indlandi og þar kemur fólk öðruvísi fyrir. Þá meina ég það ekki á racistalegan hátt. Já maður verður sko ekki einmanna þegar maður er heima yfir daginn. Ég setti mig á svona "do not call" lista fyrir nokkru síðan. Síðan þá hefur svona sölufólk alveg hætt að hringja í okkur en mér finnst nú reyndar ég vera að fá meira af fólki sem kemur og bankar á hurðina hjá manni í staðinn. Ég er með svona skilti á póstkassanaum hjá mér "No Advertising Material" afþví mér finnst svo pirrandi að fá bunka af einhverjum bæklingum frá matvöruverslunum. Svona skilti virka sko. Veit ekki hvort að er hægt að fá svona á Íslandi. Ég er að pæla í að fá skilti á hurðina hjá mér sem segir "No Indian sales people please". Veit ekki hvort að svoleiðis skilti eru til og ég yrði kannski talin vera racisti eða þannig. Ég er það ekki í alvörunni. Ég á marga Indverska vini. Ok kannski ekki marga. Hver man samt ekki eftir honum vini mínum Manish sem bjó við hliðina á okkur í Lal Lal Stræti. Hann er reyndar frá Nepal.....en það er þarna við hliðina einhverstaðar.

Já annars er ég bara búin að vera lasin með hálsbólgu og kvef. Er orðin góð núna samt. Sem betur fer varð Freyja ekkert lasin. Hún fékk smá kvef en ekkert sem angraði hana. Svo fann ég fyrstu tönnina hjá henni um daginn :) Tönn að koma í neðri gómi. Núna þarf maður að fara að kaupa tannbursta.

2009-03-05T17:00:00.003+11:00

Jæja þá er komið haust. 1. mars er fyrsti haustdagur hér og í gær var sko kalt. Það var 32 stiga hiti á þriðjudaginn (og hvasst). Í gær var ekki nema 18 stiga hiti og rigning. Okkur fannst það nú svoldið kalt og vorum með hitarann í gangi allan daginn. Í dag er enn bara 20 stig. Við höldum að sumarið sé bara búið núna sem er reyndar gott afþví það voru svo margir skógareldar. Rigningin hefur hjálpað til að slökkva í sumum þeirra en okkur finnst nú rosa gott að hafa 25-30 stiga hita. Við erum ekki alveg tilbúin í vetur ennþá.

Freyja og ég fórum að hitta mæðrahópinn okkar á kaffihúsi í dag. Dianne er svo að halda upp á þrítugsafmælið sitt á sunnudaginn og erum við boðin í það. Hún verður með grillveislu í garðinum hjá sér og börn eru velkomin að koma með. Hún býr bara 2 götum fyrir neðan okkur þannig að við getum bara labbað þangað með vagninn.

2009-02-27T14:46:00.003+11:00

Það er búið að lýsa yfir hættuástandi í öllu Viktoríufylki í dag vegna hita og hvassviðris. Mörgum skólum og leikskólum út á landi var aflýst í dag. Þetta er vegna þess að það er mikið brunahætta. Það brenna ennþá eldar út um allt fylki þó að það sé engin hætta frá þeim. Það er alltaf hættulegt þegar eldur og vindur mætast, þannig að fólk vill ekki taka neina áhættu.

Það byrjaði eldur um daginn hjá bæ sem heitir Daylesford og er svona 40 mín frá Ballarat. Patrick vinnur mikið þar. Þegar hann var á leiðinni heim þá sér hann þennan mikla reyk ekki langt frá þar sem bróðir hans á heima. Hann keyrir sem sagt í átt að húsi bróður síns (Brian) en lögreglan var þá búin að loka veginum þangað. Það hafði einhver hálfviti hent sígarettustubb út um bílrúðuna rétt hjá húsinu þeirra. Eldurinn brann sem betur fer frá húsinu þannig að það skemmdist ekkert á þeirra landi en þessi eldur breyddist út um allt of hefur núna brunnið í 5 daga og 2800 hektarar hafa brunnið. Sem betur fer hafa engin líf verið í hættu og bara eitt hús hefur brunnið. Það er núna búið að stöðva útbreyðslu eldsins eins og er þannig að það verður vonandi hægt að slökkva í honum. Já alltaf jafn mikið fjör hér í hitunum.

Ég saumaði gardínur fyrir eldhúsgluggan okkar. Þær eru grænköflóttar. Ég reyndar saumaði þessar gardínur fyrir löngu síðan. Átti bara aðeins eftir að laga þær og svo að hengja þær upp. Þær fóru loksins upp um helgina og líta svona út:
Við eigum enn eftir að gera svolítið í eldhúsinu. Eigum eftir að mála veggina og loftið og svo flísaleggja inní arininum hjá hellunum. Jú svo á eftir að mála gluggan líka.

Annars höldum ég og Freyja okkur bara innandyra í hitanum í dag. Ég ætlaði að taka herbergið hennar í gegn. Taka til, þrífa og sortera dótið hennar. Þarf líka að ganga frá fötum sem eru orðin of lítil á hana. Þetta gengur frekar hægt hjá mér.

2009-02-18T18:39:00.002+11:00

Ég var að koma úr jarðarför. Jarðarfarir eru nú ekki það skemmtilegasta sem maður gerir þó geta erfðadrykkjurnar verið annsi fjörugar þar sem að alltaf er boðið upp á áfengar veitingar í þeim hér. Ég og Freyja vorum nú bara klukkutíma í erfðadrykkjunni. Ég þurfti að koma Freyju í rúmið. Hún hafði varla sofið í allan dag. Reynar svaf hún 9 tíma síðustu nótt. Vona að hún haldi því áfram.

Freyja er svo fyndin þegar maður tekur hana eitthvert, sérstaklega þegar við förum að hitta mæðrahópinn okkar. Hún skrækjir alltaf yfir alla. Stundum hræðir hún hina krakkana með þessum skrækjum. Í gær henti hún leikfangi í hausinn á öðrum krakka. Reyndar meiddi krakkinn sig nú ekki sem betur fer. Vonandi verður hún ekki að svona "bully" á leikvellinum.

Jæja verð að fara að koma henni litlu í bólið.

2009-02-16T20:06:00.002+11:00

Jæja hver haldiði að sé nú risin upp frá dauðum! Jú jú alveg rétt, Kengúran er komin aftur í heim bloggsins. Maður var farin að sakna þess að blogga ekki þannig að ég ákvað bara að endurlífga þetta blogg aðeins. Breytti meira að segja um lúkkið hérna og alles. Ég veit nú samt ekki hvort ég hafi um mikið að skrifa annað en bleyjuskiptingar og þvotta...en við sjáum til.

Hún Freyja er orðin 4 1/2 mánaða gömul og orðið algjör prakkara-skvísa. Hún fék hrísmjölsgraut í fyrsta skipti í dag. Gretti sig voðalega..haha en kyngdi nú samt grautnum og vildi meira. Já hún stækkar ört. Ótrúlegt hvað hún er að breytast mikið núna og þroskast finnst manni. Já maður tekur eftir því sjálfur þó að maður sjái hana á hverjum degi.

Það hafa nú sennilega margir heyrt í fréttum að hér eru búnir að vera rosalegir skógareldar undanfarið. Tala látinna komin upp í 189 og er ennþá að hækka. Það tekur víst voða tíma að fara í gegnum allar rústirnar og bera kennsl á líkin. Já þetta eru búnir að vera mjög sorglegir dagar.

Við erum svo að fara í jarðarför á miðvikudaginn. Nei sú jarðarför er nú ekki í tengslum við skógareldana. Maður móðursystur hans Patricks fékk hjartaáfall um daginn og dó. Konan hans (systir Maureen tengdó) lést nú reyndar fyrir rúmlega 10 árum síðan. Don Murphy var nú kominn nálægt áttrætt og var búinn að vera hjartaveikur í mörg ár. Hann var búinn að vera hálf veikur síðustu vikurnar þannig að þetta kom nú kannski ekkert rosalega á óvart.

Já svo erum ég og Freyja að fara í vikulega mæðrahittinginn okkar á heilsugæslustöðinni á morgunn. Reyndar hittumst við í síðustu viku á bókasafninu og þar var talað um lestur fyrir börn. Það eru yfirleitt svona 10-15 mæður sem mæta. Það er mjög gaman að hittast svona. Síðan erum við 5 stelpur sem að hittums líka einu sinni í viku þá annað hvort á kaffihúsi eða heima hjá einni okkar. Okkur finnst voða gaman að hittast svona og kjafta og krökkunum finnst líka gaman að hittast held ég. Allaveganna finnst Freyju rosa gaman að fara eitthvað svona og sjá annað fólk (og önnur börn). Hún brosir alltaf og hlær þegar ég fer eitthvað með hana. Fólk heldur að hún sé alltaf í góðu skapi.....sem að hún er nú reyndar oft nema þegar hún er svöng eða þreytt.

Jæja Desperate Housewifes er að byrja. Jú jú nýja syrpan er byrjuð þar sem að það er farið 5 ár fram í tímann. Mjög skemmtilegt. Mæli með þessari syrpu, þó ég sé nú bara búin að sjá fyrstu 2 þættina.

2008-10-20T10:10:00.003+11:00

Já þá er næstum því bara komin ár og öld síðan ég bloggaði hér síðast. Fyrir þá sem ekki vita þá eiguðum Patrick og ég yndislega litla stelpu þann 27.september. Hún var 3880 gr (rúmlega 15 merkur) og fékk nafnið Freyja Rose. Hún er núna orðin rúmlega 3 vikna og dafnar mjög vel. Hún á sína eigin barnalandssíðu þar sem ég mun setja inn fullt af myndum.

2008-09-24T14:16:00.005+10:00

40 vikur á morgunn! Fórum í skoðun upp á spítala í morgun til ljósmóðurs og læknis. Allt í fínu lagi hjá mér. Blóðþrýstingurinn aðeins í hærra lagi en ekkert til að hafa áhyggjur af. Þau ætla ekkert að flýta sér að setja mig á stað ef krílið kemur ekki á næstu dögum. Það er víst siður upp á spítala að bíða í allt upp að 2 vikum eftir settan dag (það er víst eitthvað misjafnt eftir spítölum). Ég er bókuð í sónar í næstu viku til að tékka á legvatninu og svona (ef að ég endist það lengi), fer svo til læknis daginn eftir þar sem verður tekin ákvörðun um hvað verður gert. Annars er krílið sko alveg tilbúið og er búið að koma sér í stellingu, enda er þrýstingurinn stundum þannig að maður heldur bara að það sé að reyna að ýta sér út núþegar.

Bróðir hans Patricks var hérna um helgina hjá okkur að setja nýtt rafmagn í húsið. Já það er búið að setja nýja rafmagnsvíra allstaðar þar sem vírarnir voru ansi gamlir og frekar óöruggir. Við keyptum svo nýjar ljósakrónur í öll herbergin fjögur. Reyndar var engin í okkar svefnherbergi og sú sem var í hinu sefnherberginu brotnaði fyrir svolitlu síðan. Bróðir hans Patricks á reyndar eftir að koma aftur (sennilega á föstudaginn) og klára að setja upp ljós og innstungur þar sem það tók frekar langan tíma í að víra allt húsið. Já svo var líka settur upp nýji hitarinn/loftræstingin hjá okkur sem varð að fara fyrir ofan tvöföldu dyrnar í eldhúsið. Við erum svo líka með annan hitara í stofunni en það verður svaka munur að vera með loftræstinu í sumar. Ég mun svo setja fleiri myndir af þessu öllu saman mjög bráðlega.

2008-09-18T12:58:00.003+10:00

Ég sit bara hér ein í koti mínu og leik mér í tölvunni eða les slúðublöð sem að Claire kemur með á nokkura daga fresti. Ég veit sko meira núna hvað er að gerast í hollywood heldur en Perez Hilton. Nei ekki Paris Hilton....ef þið hafið ekki heyrt um hann Perez Hilton þá eru þið greinilega ekki að lesa nóg af þessum blöðum. Það var heilt blað um fræga fólkið og hvernig það kom sér í form eftir að hafa eignast barn. Katie Holmes borðaði bara súpu og hrátt brokkolí í 3 mánuði og Jennifer Lopez fór í ræktina á hverjum degi. Það er greinilegt að þessar konur eru ekki að gefa brjóst og ekki get ég ímyndað mér að maður fái nægja orku af súpu og brokkolí þegar maður er með lítið barn og þjáist af svefnleysi. Já þetta hollywood líf virðist alltaf verða meira og meira óraunveruleikakennt.

Annars skruppum við til Melbourne á þriðjudaginn. Patrick tók sér frí úr vinnunni. Við kíktum aðeins í búðir og keyptum föt á Patrick, svo fórum við í IKEA og keyptum nokkra smáhluti frá þeim. Fengum okkur svo að borða og héldum heim á leið. Á meðan var hér hann 'Bob the Builder' að gera klárt eldhúsið hjá okkur. Jú hann heitir Bob. Það reyndar tók hann 2 daga að klára þetta, ekki 1 eins og ég hélt. Við eigum reyndar enn eftir að mála. Veit ekki hvort það tekst áður en krílið lætur sjá sig. Ég er núna komin 39 vikur á leið. Fer til ljósmóður og læknis næsta miðvikudag (verð þá næstum komin 40 vikur). Ég býst við að ef barnið lætur ekki sjá sig fyrir það að ég verði sett af stað fljótlega eftir það þar sem að barnið er í stærra lagi. Annars kemur það í ljós í næstu viku hvað verður.

Hún Tinna ætlaði að setja gjafir í póst til mín á mánudaginn. Ég ætti að fá böggul í dag þá ef að Tinna hefur nennt að koma þessu á pósthús til mín. Hvar er lakkrísinn minn Tinna? Jú hún systir mín fékk ferðatöskuna sína á endanum. Þurfti að bíða í 2 daga held ég og svo var komið með töskuna heim að dyrum með formlegri afsökunarbeiðni frá flugfélaginu. Annars hefur hún það bara fínt þarna uppi í Port Douglas. Hiti og sól flesta daga, eitthvað annað en hérna í Ballarat.

2008-09-15T16:09:00.005+10:00

Jú ég er enn hér. Komin 38 vikur og 4 daga á leið en ekkert að gerast. Ég læt mér bara leiðast heima fyrir....mér leiðist nú samt ekkert voðalega. Alltaf eitthvað hægt að dunda sér, svo er maður svo hægur á sér að það tekur mann helmingi lengri tíma að gera allt sem þýðir að dagurinn er búinn áður en maður veit af því.

Hér eru myndir af barnaherberginu okkar. Ég bjó meira segja um rúmið, meira svona í gamni mínu þar sem við munum nú örugglega ekki nota það alveg strax. Finnst bara fínna og meira kósý að hafa búið um það. Við erum reyndar ekki með sæng á því en munum nú fá okkur sæng aðeins seinna. Svo set ég hér líka mynd af hvítu vöggunni sem er inní okkar svefnherbergi. Setti lak á hana og svoleiðis en verð nú með aðra hlýrri ábreiðu þar sem að næturnar eru enn frekar kaldar. Já nú vantar bara að krílið láti sjá sig!

Já annars er búið að vera svo rosa fínt vorveður hérna síðustu dagana. Rúmlega 20 stiga hita og sól. Maður sat bara úti á verönd í blíðunni og naut veðursins. Það var bara eins og allt í einu væri veturinn búinn...en nei nei það er komið brjálað veður hérna í dag. Rok og rigning og sko engin 20 stig, heldur kannski 12-13 stig. Það er nú samt varla hægt að kvarta undan rigningu hér því það vantar alltaf rigningu, svo á nú að hlýna aftur þannig að það er kannski að koma vor eftir allt saman enda kominn miður september.

Svo er að koma hérna svona 'handyman' til okkar í fyrramálið að klára fyrir okkur eldhúsið. Við erum búin að vera að fikta eitthvað til í því (eða Patrick er búin að vera að því og ég sit og skipa honum fyrir) en við ákváðum að það væri betra að fá reyndan mann í þetta þar sem á enn eftir að setja upp flísarnar og ganga frá hornunum þar sem veggirnir og loftið mætast. Ætti varla að taka hann mikið lengur en dag að ganga frá þessu fyrir okkur. Já nú hefði nú verið gott að hafa hann pabba hjá okkur til að klára þetta af. Vildi að svona handlægni væri í genunum en ég held að ég hafi ekki erft handlægni föður míns því einhvernveginn kann ég ekkert að smíða eða laga hluti. Ég er meira að segja hálf hrædd við að meðhöndla tól og tæki og get ekki sagað í beinni línu....ekki að ég sé búin að vera að reyna mikið af því í mínu standi. Allaveganna þá ætti þetta allt að klárast í þessari viku og ekki seinna vænna.

2008-09-05T14:48:00.003+10:00

Fékk SMS frá Tinnu áðan. Hún er sem sagt komin til Cairns (QLD), reyndar án ferðatösku þar sem hún týndist einhversstaðar á leiðinni. Hún hlýtur nú að koma annaðhvort seinna í dag eða á morgunn. Líklega hefur hún gleymst í London eða farið til Austurríkis eða eitthvert álíka. Hverjir hafa ekki einhverntíman ruglað Australia and Austria saman :P Annars var Tinna bara hress. Ég mun nú sennilega samt ekki sjá hana fyrr en í nóvember. Það verður svo sem ágætt þar sem litla krílið ætti þá að vera orðið nokkra vikna og orðið hlýrra í veðri hérna í Ballarat.

Fyrsti dagurinn minn í dag í fæðingarorlofi :) Gat reyndar ekki sofið út þar sem ég fór til læknis í morgunn. Allt í fínu lagi hjá mér og bumbubúanum. Ég fékk svo nokkurskonar "babyshower" í vinnunni í gær. Fórum mörg út að borða í hádeginu og svo þegar við komum til baka þá er hellingur af gjöfum á borði við hliðina á skrifborðinu mínu. Ég átti sko ekki von á því. Fékk allskonar gjafir eins og: leikföng, bangsa, föt, myndaalbúm, lítið teppi í vagninn, rúmföt, pela, snuddur, súkkulaði og fótanuddstæki handa mér með allskonar kremum. Ég var búin að vera að kvarta yfir bólgnum fótum í vinnunni...hahaha. Já alveg frábært fólk sem að vinnur með manni hjá IBM. Ég á sko pottþétt eftir að sakna vinnufélaganna meðan ég er í "fríi". Ég er ekki enn búin að ákveða hvað ég verð lengi í fríi. Ég setti inn fyrir 9 mánuði en ég má taka upp að 12 mánuðum. Ég get svo alltaf breytt því. Reyndar fær maður bara 3 mánuði á fullum launum þó er ríkisstjórnin sennilega að fara að breyta því, þannig að maður fái kannski 6 mánuði á fullum launum (eða 12m á hálfum launum). Það væri nú auðvitað algjör lúxus.

Annars hef ég það bara mjög gott. Get ekki kvartað undan neinu. Er ekki einu sinni með bakverki og sef bara mjög vel. Maður er alltaf að lesa að þegar konur eru komnar rúmlega 37 vikur að þær séu komnar með nóg, en ég er eiginlega að vona að krílið bíði í svona 2 vikur í viðbót svo ég fái smá hvíldartíma og geti dundað mér hérna heima við aðeins.

2008-08-31T20:43:00.004+10:00

Ok hérna koma myndir af eldhúsinu okkar eins og það lítur út núna. Það er auðvitað ekki alveg tilbúið. Reyndar keyptum við flísar til að setja á veggina í dag. Hvítar flísar. Þannig það á eftir að setja þær upp og gera fínt í kringum hellurnar í arininum. Svo kemur vonandi bróðir hans Patricks í vikunni til að setja innstungurnar á og svona. Svo á bara eftir að mála veggina. Já þetta er allt að koma hjá okkur enda ekki seinna vænna. Krílið á að koma í heiminn eftir 3 1/2 viku ef það kemur á settum tíma. Við erum allavega búin að gera barnaherbergið tilbúið þó að litla krílið fari nú ekki þangað inn alveg strax. Svo er ruggurúmið (vaggan) komin inn í okkar herbergi. Ég var svo að þvo barnaföt og lök og svona í dag. Reyna að gera allt tilbúið. Svo byrjaði ég að pakka niður í tösku fyrir spítalann. Já spennó spennó!

Já og svo á ég bara eftir að vinna 4 daga í viðbót. Þá verð ég komin í fæðingarorlof! Ég held svei mér að ég eigi eftir að sakna vinnunnar eða kannski meira vinnufélaganna en það verður nú fínt að vera komin í frí.

2008-08-23T18:02:00.000+10:00

Fylgdist með handboltanum í gær, eins og hægt var. Leikurinn var ekki sýndur hér og þegar ég ætlaði að horfa á hann á ruv.is þá var RÚV með einhverja tæknierfiðleika. Ekki hægt að horfa eða hlusta á leikinn hjá þeim. Ég varð sem sagt bara að fá update í gegnum gamla góða Moggann, mbl.is, þar sem var lýst frá leiknum í einskonar blogg formi á mínútu fresti. Íslendingar sigruðu Spánverja auðveldlega og núna býður maður spenntur eftir leiknum á morgunn, Ísland v Frakkland. Þessi leikur verður í beinni útsendingu hérna á einni sjónvarpstöðinni. Ekki smá duglegir þessir handboltastrákar, pottþétt komnir með silfur og góður séns á gulli!!! Það er ekki oft sem að maður getur verið svona stoltur af íslensku íþróttafólki. ÁFRAM ÍSLAND!!!

Við erum svo komin með splunkunýtt eldhús. Voða flott finnst okkur. Það á reyndar eftir að flísaleggja fyrir fyrir ofan borðplötuna og svona. Líka eftir að mála veggina en það er ekki smá munur að vera loksins komin með eldhús sem er með ekta skápum. Maður ætti að koma öllu fyrir í þetta eldhús. Svo kemur eldavélin og hellurnar mjög vel út í arininum. Ég lofa að setja myndir af eldhúsinu hérna á næstu dögum. Veit ekki hvenær verður búið að setja upp flísar og svona en ég set kannski bara myndir hérna áður en þær verða komnar upp.

Patrick skrapp til Melbourne í dag að vinna þar í garði. Þrjár systur hans Patricks komu í heimsókn til mín (Maree, Margie og Claire) og komu með Maureen (tengdó) líka. Þær komu með allskonar góðgæti og svo líka barnarúmföt og teppi. Claire gat svo ekki haldið aftur af sér og þreif fyrir mig alla eldhússkápana og raðaði diskum, skálum og pottum í skápana. Það var voða fínt enda ætlaði ég nú ekki að reyna að þrífa efri skápana, ætlaði að láta Patrick gera það á morgunn. Núna er sko hægt að fara að gera fínt í barnaherberginu þar sem það er hægt að færa allt eldhúsdótið þaðan inn í eldhús.

Patrick og ég ætlum svo að fara í smá verslunarleiðangur í fyrramálið. Okkur vanta dýnu fyrir vögguna. Vona að það verði ekki vesen að finna dýnu fyrir hana. Það er allstaðar hægt að fá dýnur fyrir rimlarúm en það er aðeins erfiðara að finna vöggudýnur held ég, sérstaklega hér í Ballarat. Okkur vantar svo líka að kaupa, Rimlarúm, bað, skiptidýnu, bleyjur, bleyjutösku, náttljós (af því það er ekki lampi í hergerginu okkar) og nokkra smáhluti. Já maður vill nú fara að gera allt tilbúið. Maður komin rúmlega 35 vikur á leið og orðin rosalega bústin. Ég er búin að þyngjast um ein 16 kíló!!!! Ég er nú reyndar voða lítið búin að fitna sjálf (kannski um 5 kíló). Hin kílóin eru í bumbunni. Maður ætti nú þá að léttast rosalega eftir fæðinguna..hehe.

Annars er ég enn að vinna. Verð sennilega að vinna í 2 vikur (tæplega) í viðbót áður en ég fer í frí.

Það fer svo að styttast í að hún Tinna komi til Ástralíu. Ég er að reyna að hugsa upp eitthvað sem hún getur komið með handa mér. Það eina sem mér hefur dottið í hug er siríus súkkulaði og lakkrís. Annars væri ég nú alveg til í að hún kæmi með fullt af íslenskum mat en það má víst ekki koma með neitt svoleiðis hingað til lands.

Jæja, Patrick hringdi og hann verður komin heim eftir svona hálftíma. Best að finna eitthvað handa okkur að borða. Við getum reyndar ekki notað ofninn þar sem að það er ekki búið að tengja hann við rafmagn (vanta líka að tengja innstungurnar) en við getum notað hellurnar þar sem þær eru gashellur.

2008-08-17T17:27:00.002+10:00

Já við erum enn í eldhússtússi. Manni finnst þetta ætli að taka að eilífu en maður sér nú annað fólk í kringum sig sem er að gera upp sín hús og þetta virðist allt nú taka sinn tíma. Allaveganna þá kemur eldhúsið á morgunn og ætti vonandi að vera allt komið upp á miðvikudag. Þá á bara eftir að mála og setja upp flísar. Þannig að það ætti að vera búandi hérna þegar ég verð loks komin í frí, eftir tæplega 3 vikur. Maður bara vonar að litla krílið láti ekki sjá sig alveg strax. Langar svona að gera meira tilbúið hérna hjá okkur. Fór til læknis í vikunni sem að sagði að krílið væri í stærra lagi. Ekkert ofurvaxið samt, bara stærra en meðallagið sem að gæti þýtt að það er bara akkúrat í meðallagi á Íslandi þar sem íslensk börn eru nú að meðatali stærri en þau áströlsku.

Já svo er hún Tinna systir á leiðinni til Ástralíu. Kemur til landsins í byrjun September en ætlar nú víst fyrst upp til QLD, þannig að hún kemur að heimsækja okkur sennilega í Nóvember. Það verður nú rosa gaman að sjá hana. Litla krílið ætti þá að verða um 6-8 vikna og Tinna verður örugglega fín barnapía.

Jæja ég ætla að setja kjúkling í ofninn. Það eina sem við getum notað í eldhúsinu er ofninn og örbylgjuofninn.

2008-07-23T18:10:00.004+10:00

Fórum á okkar síðasta fæðingarnámskeið í gær. Núna ætti maður sko að vera klár í slaginn hehe, kann að skipta um bleyju, anda í fæðingunni og veit hvað maður á að bíða lengi þangað til maður fer á spítalann. Já maður var látinn skipta um bleyju á dúkku og þurfti að setja hana í föt, reyndar voru það aðallega mennirnir sem voru látnir gera þetta og svo var farið í rölt um fæðingardeildina á spítalanum. Mér fannst nú voða rólegt á þessari deild. Engin í fæðingarherbergjunum. Það er vonandi að það verði svona rólegt þegar verður komið að manni sjálfum að eiga. Það eru 2 "fjölskylduherbergi" þarna sem er hægt er að biðja um en það er sem sagt bara fyrstir koma, fyrstir fá. Þessi herbergi eru sennilega svipuð og í Hreiðrinu á Íslandi. Maður er í herberginu í 24 tíma með makanum þar sem þar er hjónarúm og fyrir utan lítið eldhús. Annars litu hin fæðingarherbergin ekkert illa út en þegar maður er búin að fæða þar þá er maður fluttur í annað herbergi sem maður verður yfirleitt að vera í með annarri konu. Reyndar eru einstaklingsherbergi þarna líka en maður verður að borga fyrir þau. Já það eru nú reyndar enn 9 vikur sirka í þetta, sem betur fer þar sem húsið okkar er í hálfgerðu rústi ennþá. Erum að vona að eldhúsið verði komið upp eftir svona 3 vikur. Gæti orðið fyrr en maður vill ekki gera sig of spenntan. Já þegar eldhúsið verður loksins komið að þá er hægt að fara að plana barnaherbergið. Það þarf nú reyndar ekkert mikið að gera, bara punta það aðeins.

Ég veit að fólk er að bíða rosa spennt eftir myndum af húsinu okkar...hehe.
Svona lítur eldhúsið okkar út eins og er.....

2008-07-12T21:32:00.003+10:00

Þá er maður komin í samband við umheiminn aftur. Tölvan okkar fylltist af vírusum og er búin að vera í 'viðgerð' hjá IBM. Ákvað að láta bara taka allt af fartölvunni og er svo líka komin með ADSL núna þannig að maður er sko komin með svaka gott 'setup'.

Annars er maður bara að verða feitari og feitari þó an annars hafi maður það bara gott. Við fórum á svona fæðingarnámskeið um daginn. Förum á þetta í fjögur kvöld. Þetta er á spítalanum og fyrsta námskeiðið var aðallega um æfingar og svoleiðis sem er gott að gera fyrir og eftir fæðingu. Já aðeins 11 vikur eftir!

Við erum svo búin að panta nýja eldhúsinnréttingu. Ætti vonandi að vera komin upp eftir svona 4 vikur. Erum svo að fara að velja ljós í eldhúsið á morgunn vonandi. Reyndar ætlar bróðir hans Patricks að koma á morgun og gera rafmagnsvírana tilbúna fyrir eldhúsið.

Annars er bara skítakuldi hér. Snjóaði um daginn og í dag er hífandi rok. Ég gat reyndar sett þvott út á snúru af því að það var nú ekki rigning en það lá við að hann fyki nú af snúrunni. Reyndar þornar ekkert almennilega úti þar sem það er svo kalt. Það eru reyndar þvottahús hér þar sem maður getur sett þvott í þurrkara fyrir smá klink (fyrir þá sem hafa ekki þurrkara heima).

Annars er voða lítið annað að gerast um helgina. Höfum ekki enn getað tekið barnaherbergið almennilega í gegn þar sem að það er enn fullt af eldhúsdóti. Reyndar mun litla krílið sennilega bara vera inni hjá okkur svona fyrstu mánuðina í svona nokkurskonar vöggu.

Frétti svo að hún litla systir mín hefði skroppið til Kanarí um daginn. Svaka kósý bara hjá henni. Hin systir mín útskrifaðist úr bændaskólanum á Hvanneyri. Nei ekki sem bóndi, heldur sem umhverfisfræðingur (eða náttúrufræðingur). Hvenær á svo að koma að heimsækja mann stelpur?

Jæja ég ætla þá bara að sitja fyrir framan hitaran í kvöld. Það er ekki ennþá búið að setja upp nýja hitarann/loftræstinguna okkar þar sem það verður að gifsa veggina fyrst....sem mun nú verða fljótlega þar sem þeir verða að vera gifsaðir áður en eldhúsinnréttingin verður sett upp.

2008-06-17T18:51:00.001+10:00

Gleðilegan 17.júní allir!

2008-05-27T18:11:00.003+10:00

Já ég horfði á Eurovision (svona með öðru auganu). Keppnin var reyndar ekki sýnd hér fyrr en á Sunnudeginum þannig að maður vissi nú hver myndi vinna. Ég verð nú að segja að íslenska lagið var alveg hræðilegt, sérstaklega byrjunin. Gjörsamlega æpti "Páll Óskar" (eða Paul Oscar). Parið stóð sig nú annars vel. Hef ekki hugmynd um hvað þau heita en þetta lag átti aldrei neina von um að vinna, þó að mörg önnur lög hafi verið alveg jafn slæm (eins og þýska lagið sem var í svipuðum dúr). Annars finnst manni nú stigagjöfin alltaf jafn skemmtileg. Sjá hvaða lönd gefa hvaða löndum stig. Það var nú samt svoldið skömmustulegt að sjá hvað Skandinavíulöndin gáfu eiginlega bara hvert öðru stig......en annars býst ég við að Ísland hefði ekki fengið nein stig...hahaha. Jæja maður verður þá bara að bíða til næsta árs og vonað að Ísland komi nú með eitthvað almennilegt lag.

Svo var afmælið hans Patricks í gær. Orðinn 35 ára kallinn.
Við fórum til Melbourne um helgina og gistum þar eina nótt svona af tilefninu. Það var rosa fínt. Ég gaf svo Patrick svona Espresso/Cappachino vél sem er rosa vinsæl og búið að gera marga Cappuchinos. Versta er að ég er að reyna að drekka ekki mikið kaffi og get því ekki notið vélarinnar það mikið.

Svo er orðið svoldið kalt hérna, allaveganna á nóttunni. Dagarnir eru nú örugglega bara svona eins og kaldir íslenskir sumardagar. Það fer yfirleitt bara upp í 13-14 stig yfir daginn.

2008-05-09T18:21:00.003+10:00

Við fórum í sónar á miðvikudaginn sem var auðvitað mjög skemmtilegt. Reyndar var litla krílið eitthvað þreytt og vildi bara sofa sem þýddi að það var ekki hægt að ná voða góðum myndum fyrir myndaalbúmið. En það kom allt rosa fínt út úr sónarnum. Öll stærðarhlutföll eins og þau eiga að vera. Fór líka til ljósmóðurs sama morgun og blóðþrýstingurinn og sykurinn í fínu lagi.

Ég setti svo inn umsókn um fæðingarorlof í vinnunni sem var auðvitað samþykkt. Tek 3 mánuði á fullum launum (hefði getað tekið 6 á hálfum launum) og svo sótti ég um 6 mánuði til viðbótar launalaust. Það er reyndar auðvelt að breyta þessu. Get tekið minna eða meira af launalausu leyfi. Reyndar er yfirmaður minn rosa góður og búinn að segja að mér sé velkomið að vinna eitthvað að heiman ef ég vil og koma svo aftur bara í nokkra daga í viku. Sem sagt ég ræð hvað ég vil vinna mikið þegar ég kem aftur. Hef þess vegna pælt í að kannski eftir 6 mánuði að vinna 1 dag í viku og svo 2 hálfa daga að heiman. Annars verður maður bara að sjá til hvað verður. Finnst samt gott að vinnan sé svona opin fyrir allskonar möguleikum.

Síðan er ég búin að setja upp síðu á barnalandi fyrir krílið: http://barnaland.is/barn/72727
Síðan er nú enn á byrjunarstigi enda krílið ekki komið í heiminn ennþá.

Annars er ekki mikið planað fyrir helgina, bara þetta venjulega heimilisstúss og svo ætlum við að fara að kíkja á barnadóterí, svona meira til gamans. Ég er svo reyndar líka búin að fá saumavél að láni og ætla að reyna að berjast við það að sauma gluggatjöld fyrir nýja eldhúsgluggan okkar. Vona að ég finni eitthvað sætt efni um helgina. Glugginn er nú reyndar ekki alveg nýr, heldur notaður. Einhvernveginn finnst manni gamlir notaðir gluggar passa betur við gamla húsið okkar.

Jæja við ætlum að fara út og fá okkur pizzu. Góða helgi allir!

2008-05-03T18:17:00.004+10:00

Laugardagur - Verslunardagur: Keyptum okkar svona hitara/loftræstingu í dag. Þetta er sem sagt bæði hitari og kælari og með 'timer'. Nú ætti manni ekki að verða kalt í vetur.
Svo keyptum við líka grænmetissæðlinga fyrir veturinn. Núna er réttur tími til að setja niður gulrætur, gulrófur, rauðraufur, lauk, baunir og ýmis salöt. Líka tími til að setja niður túlips-og páskalilju lauka.

Ég er svo búin að vera rosa myndarleg í dag. Bjó til hádegismat sem var kjúklings og aspars smjördeigsrúllur, síðan bakaði ég banana og kanil köku. Var að pæla í að baka kanilsnúða en vissi ekki hvað ég gæti notað í staðinn fyrir hjartarsalt þar sem ég hef aldrei séð svoleiðis hér. Held reyndar að það sé hægt að nota lyftiduft og matarsóta í staðinn. Kannski að ég búi til svoleiðis á morgun ef ég nenni. Já svo enda ég daginn með að búa til Stroganoff í kvöldmatinn. Svona er laugardagurinn hjá mér....frekar fréttalítill.

2008-04-25T11:24:00.006+10:00

ANZAC dagur í dag (Australia and New Zealand Army Corps) eða það sem ég kalla daginn á íslensku, Hermannadagur. Þetta er frídagur til að minnast hermanna sem hafa barist í stríðum og eru skrúðgöngur í öllum bæjum og borgum. Já svo er þetta líka afmælisdagurinn hans Davíðs. Litli bróðir minn að verða 17 ára í dag. Til hamingju með daginn Davíð!

Já ég er sem sagt í fríi í dag þó ég hafi ekki farið að horfa á skrúðgöngu.
Annars erum við bara ennþá í byggingarstússi hérna í litla kofanum okkar. Við sváfum síðustu nótt án bakveggs. Það er jú búið að rífa niður vegginn sem snýr út í garð og í staðinn settur segldúkur.
Það er líka búið að rífa niður vegginn á milli eldhúsins og bakportsins. Þó að það sé frídagur í dag þá er nú samt byggingamaður hérna að setja upp frönsku hurðirnar í staðinn fyrir vegginn sem er farinn. Dyrnar (plús gluggar meðfram) taka upp mest allan bakvegginn. Svo á eftir að setja timburgólfið sem hann vonandi gerir líka í dag. Get ekki beðið efti að þetta sé búið, þannig að maður geti fengið eldhúsið aftur og þá stærra eldhús en áður. Reyndar erum við ekki að skipta um eldhúsinréttingu alveg strax....ætlum að klára þetta fyrst þar sem það þurfti að rífa niður veggi, setja nýtt gólf, skipta um glugga, rífa niður annan glugga og setja tvöfaldar hurðir. Svo þegar þetta er allt búið getum við einbeitt okkur að eldhúsinréttingunni. Ég set nú myndir af þessu bráðlega.

Já svo er maður bara næstum hálfnaður í óléttunni. Komin 18 vikur núna og það er sko aðeins byrjað að sjást að maður sé óléttur þó að ég held að fólk sem viti ekki að maður sé óléttur spurji mann nú ekki hvort maður sé óléttur..hahaha...maður gæti nú bara hafa fitnað smá. Svo er maður farin að finna léttar hreyfingar þarna inni, svona nettar hreyfingar sem er auðvelt að missa af ef maður situr eða liggur ekki kyrr. Ég fór svo í fyrsta skipti til ljósmóður í gær (hafði bara farið til heimilislæknis og sónar áður) en varð fyrir smá vonbrigðum þar sem þetta var þá bara allt saman pappírsvinna og spurningar. Reyndar fór hún líka yfir blóðprufur og mælingar og allt er í fínu lagi. Það var ekkert tékk eða hjartsláttur mældur en ég fer svo aftur núna 7.maí í tékk. Ég ætla svo að reyna að bóka í sónar sama morguninn þar sem ég verð komin næstum því 20 vikur. Ljómóðurinn og sónarinn eru í sömu byggingu og því tilvalið að gera þetta bara sama daginn. Svo bókuðum við líka að fara á svona fæðingarnámskeið hjá spítalanum. Veit ekki hvort það er vinsælt að fara í svona á Íslandi en hérna virðast allir fara á svona námskeið þegar er von á fyrsta barni. Maður fær líka að labba um fæðingardeildina og svona. Við förum reyndar ekki í þetta fyrr en í júlí og svo eru þeir líka með brjóstagjafar námskeið sem maður myndi fara í aðeins seinna.
Annars líður manni bara vel, morgunógleðin farin og svona. Langar svo að fara að taka aðeins til í 'barnaherberginu' okkar. Er að pæla í að mála það í björtum lit (kannski gulum) afþví það er freka dimmt. Svo þurfum við nú að losa okkur við eitthvað af húsgögnunum þarna inni þar sem þar er stór fataskápur, rúm og borðstofuskápur.......og kaupa í staðinn rimlarúm, kommóðu og flr barnadót :) Var svo að kíkja á kerrur á netinu um daginn. Kerran sem mig langar í kostar 25.000 kall. Þetta er svona 'Jogger' kerra með 3 hjólum en það kemur líka með henni burðarrúm sem er hægt að setja ofan á. Þannig þetta getur líka verið vagn fyrstu 3-4 mánuðina. Það eru ekki seldir svona ekta íslenskir vagnar hérna þar sem þeir eru ekki notaðir eins mikið. Það eru víst engin börn sett útí vagn til að sofa hér og ég býst nú ekki við að geta gert það hérna heldur þar sem ég myndi alveg búast við að fólk myndi hringja í lögguna eða barnaverndarráð ef að fólk frétti af því eða ef nágrannarnir heyrðu í ungabarni grátandi útí garði..hahaha. En það væri nú samt gott að vera með svona vagn þá gæti maður allaveganna farið í göngutúr og svo bara keyrt vagninn inn um nýju frönsku hurðirnar okkar og látið vagninn inn. Allaveganna þá sá ég þennan sama vagn/kerru á Ebuy fyrir bara 10.000 kall hérna í Ballarat. Ætla að hafa augin opin á Ebuy fyrir svona. Svo er hægt að fá ódýr rimlarúm á Ebuy líka, alveg niðurí 1000 kall. Maður myndi þá bara kaupa nýja dýnu. Já þá er nóg komið af þessu barnablabbli og ég er að pæla í að fara í göngutúr þar sem að það er alveg frábært haustveður úti. Sól og smá gola og öll trén byrjuð að skipta um lit.

2008-03-31T20:24:00.003+11:00

Já þá er baðherbergisstússið hjá okkur að mestu búið og ég búin að setja myndir af þessu hérna
Næst er að taka borðstofuna og eldhúsið í gegn. Rosa gaman að þessu.

Annars keypti ég mér fyrstu bollubuxurnar í dag. Ekki kannski alveg óléttubuxur en svona buxur með teygju í mittið sem er nú samt nógu fínar í að nota í vinnuna. Þær eru líka so rosalega þægilegar. Langaði helst bara að labba í þeim út úr búðinni þar sem ég mátaði þær. Búin að ganga í of þröngum buxum síðustu 3 vikurnar. Annars er ég nú ekki komin með neina kúlu sko þetta er nú bara allt saman fita enda er ég alltaf svöng. Ætli ég eigi ekki eftir að fitna um algjör ósköp ef þessi hungurtilfinning á eftir að halda áfram.

Jæja þá ætlar maður að fara að horfa á Desperate Housewifes og sjá hvað er að gerast á Wisteria Lane.

2008-03-21T12:21:00.005+11:00

Þá held ég að maður getið tilkynnt hér að Patrick og ég eigum von á barni í endaðan september :) Við erum rosa ánægð og fórum í fyrsta sónarinn um daginn sem var rosa gaman. Fannst alveg ótrúlegt hvað maður gat séð. Ég setti inn mynd hérna af litla krílinu, en sónarinn sjálfur var nú samt betri og skírari heldur en myndin þar sem maður gat séð alskonar hreyfingar og hjartsláttinn. Barnið var spriklandi og opnandi muninn af og til. Mjög gaman að sjá þetta. Það kom allt vel út úr sónarnum en við þurfum að bíða eftir að fá út úr hnakkþykktarmælingunni en ég er viss um að það komi allt út í fínu lagi líka.

Já svo er páskahelgi hér eins og annars staðar. Við ætlum bara að eyða helginni mest hér heima. Baðherbergið okkar er alveg að verða tilbúið og við ætlum að mála það. Það verður svo klárað á þriðjudaginn. Það á eftir að setja sturtuhausinn og sturtuglerið á baðið og svona smá smotterí. Ég lofa að setja myndir af því hér mjög fljótlega.

Svo er líka brúðkaupsafmælið okkar á Páskadag :) 6 ára afmæli. Ætlum nú ekki að gera mikið nema að fara út að borða á laugardeginum þar sem ég er svo að plana að elda páskasteik á sunnudaginn. Við förum nú svo og hittum fjölskylduna hans Patricks á sunnudaginn. Það er siður að hittast öll í garði og borða hádegismat og páskaegg.

G L E Ð I L E G A P Á S K A!

2008-03-06T17:53:00.003+11:00

Vorum að kaupa okkur bíl. Nissan Pulsar 2000 módel. Held reyndar að Pulsar heiti eitthvað annað á Íslandi. Annars erum við bara enn í baðherbergis dúlleríi.

Svo eru hérna nokkrar myndir úr götunni okkar sérstaklega handa pabba. MYNDIR!

2008-02-23T09:51:00.004+11:00

Loksins komin helgi. Ætlaði að sofa út í morgun en vaknaði þá auðvitað um 8 leytið og fór á fætur. Það er nú ekki það slæmt um helgar samt. Gerir daginn lengri.
Annars ætla ég að verða rosa "Italiano" í dag og búa til mína eigin tómatsósu. Við erum með 3 tómatplöntur útí garði (ein reyndar cherry tómatar) og þær eru yfirfullar af tómötum. Veit ekki hvað annað ég get gert við alla þessa tómata nema þá að gefa nágrönnunum. Ég hef því ákveðið að búa til tómatsósu og frysta mest af henni og svo að búa til Spínat & Ricotta Canneloni með tómatsósunni minni. Held ég eigi allt í þetta hérna útí garði. Basilika, chilli, steinselja og laukur.

Við erum svo loks búin að velja flísar á baðherbergið og förum vonandi að ná í þær í dag. Þetta eru svona mattar flísar með einhverskonar marmaralúki. Veit ekki alveg hvernig ég á að lýsa þeim. Ég held að það sé erfiðast að velja flísar fyrir svona dæmi. Reyndar var líka svoldið erfitt að finna innréttingu fyrir vaskinn en þetta tókst allt og við erum á góðu róli núna. Erum að pæla hvernig hitara við skildum hafa. Held við getum eiginlega ekki sett hita í gólfið þar sem það er viðargólf. Ég hef reyndar verið að pæla að vera bara með svona handklæðahitara á veggnum svo maður geti alltaf fengið heitt handklæði og svo á þeim dögum þegar það er rosa kalt að setja bara lítinn viftu-hitara í samband þarna inni. Við eigum einn svoleiðis núþegar. Maður vonandi þarf hann bara þegar er frost :) Ætlum svo að setja einangrun í veggina þar sem við þurfum hvort sem er að skipta um innanhúsklæðningu. Það er núþegar svona "álpappírs" einangrun í loftinu, sem að ég held að sé nú reyndar meira til að halda hitanum úti á sumrin.

Já svo er ég búin að vera í sambandi við hana Tinnu. Það fer bara vel um hana þarna uppfrá. Held hún láti kannski fara aðeins of vel um sig þarna þar sem hún er strax orðin þekkt sem stelpan sem sefur rosa mikið.

Já það er ekki það mikið annað að gerast hjá okkur þessa helgina. Við fórum reyndar út að borða í gærkvöldi með systur hans Patricks, Claire og föðurbróður Patricks sem er 79 ára gamall. Hann er kallaður Uncle Hughie og býr í Tasmaníu. Er hérna í 2 vikur í heimsókn og er bara rosa sprækur kallinn. Stundum eiginlega of sprækur. Maður verður hálf uppgefin að vera með honum í heilan dag. Held að það sé eitthvað ofvirknis-gen í O'Halloran fjölskyldunni. Er viss um að Erla og Tinna eru sammála mér eftir að hafa hitt fjölskylduna nokkrum sinnum :)

2008-02-19T20:59:00.002+11:00

Ok hef ekki skrifað í svoldin langan tíma. Það er svo lítið búið að gerast hjá mér :P
Tinna var hjá mér í 10 daga. Við fórum til Melbourne og gistum á lúxus hóteli (þó að við fengum minnsta herbergið). Eyddum svo heilum degi í búðarrápi þangað til við þurftum virkilega á hvíld að halda og settumst niður í bíói. Sáum 'American Gangster'.

Daginn eftir kíktum við í hverfi sem heitir St Kilda og fengum okkur morgunmat og keyptum okkur sumarkjóla. Lágum síðan á ströndinni það sem eftir var dags, eða þangað til við ákváðum að taka lestina aftur til Ballarats.

Svo leigðum við bíl í einn dag fórum við nú aðeins niður í strandarbæinn Torquay or Geelong sem var fjör, nema að það var skýjað og ekki alveg besta strandarveður sem hægt er að fá.

Núna þegar Tinna er flogin upp til Port Douglas þá er sko búið að vera sól og hiti hérna, enda febrúar búinn að vera óvenju kaldur hér í Ballarat. Þetta er yfirleitt heitasti mánuðurinn.

Já svo erum við byrjuð að gera upp baðherbergið okkar. Patrick er búin að rífa upp gólfdúkinn og veggklæðninguna. Við erum svo búin að panta nýtt bað, klósett, vask og heitavatns miðstöð. Keyptum baðherbergisskáp fyrir vaskinn um daginn og spegil. Síðan erum við að fara að velja flísar á morgunn. Þetta er jú voða skemmtilegt allt. Vona bara að þetta komi ágætlega út. Það getur nú samt pottþétt ekki orðið verra en það var...hahaha. Ég set svo inn hér myndir af þessu (before/after).

2008-02-06T18:38:00.000+11:00

Þá er hún Tinna systir komin til mín. Kom á laugardaginn. Ég er svo komin í frí núna úr vinnunni. Mjög gott. Annars fórum við í leikhús í Melbourne á sunnudeginum. Sáum 'Priscilla Queen of the Desert'. Sem var mjög fjörugur og litríkur söngleikur. Svona næstum eins og Mardi Gras. Þetta var nú samt mjög skemmtilegt. Svo er hún Tinna bara búin að vera að dunda sér eitthvað á meðan ég er búin að vera að vinna. Við löbbuðum í heimsókn til Maureen í dag og niðrí bæ. Á morgun förum við svo niður á strönd og skoðum okkur um þó að ég haldi reyndar að það verði skýjað. Maður getur þá bara alltaf falið sig í búðum og kaffihúsum.

Jæja maður verður víst að fara að elda eitthvað ofaní hana Tinnu. Spaghetti Bolognese kannski. Ætlaði að grilla en Tinna kom með vetrarveðrið með sér og það er rigning úti.

2008-01-27T19:31:00.000+11:00

Löng helgi hér. Ástralíudagur var í gær og afþví að hvað hann lenti á ólukkulegum degi (laugardegi) þá fær maður i staðinn frí á mánudeginum :) Við gerðum nú ekki mikið á þessum degi. Kíktum aðeins á pöbb um kvöldið og svo á flugeldasýningu hér í Ballarat.

Maureen (tengdó) var svo hjá okkur mest allan daginn í dag. Ég eldaði hádegismat á grillinu og svo sátum við úti og nutum góða veðursins. Maureen var bara mjög góð. Mun hressari núna heldur en fyrir nokkrum vikum síðan.

Við erum svo bara að horfa á opna mótið í Tennis í kvöld. Tsonga v. Djokovic.

Svo eru bara rúmlega 8 dagar þangað til hún Tinna verður komin til mín :) ...ekki að maður sé neitt að telja niður.

2008-01-23T20:32:00.000+11:00

Þá er tveir heimsfrægir menn látnir.
Bobby Fisher og Heith Ledger.
Jú það var sko í öllum fréttum hér að Bobby Fisher hafi dáið á Íslandi en auðvitað ekki eins mikið og er búið að vera í fréttunum í dag að Heith Ledger hafi dáið af of stórum lyjfaskammti í New York. Ég verð nú að viðurkenna að mér finnst nú sorglegra að hann Heith hafi dáið enda ágætur leikari og jafngamall mér.

Jæja í léttari dúr. Það eru núna bara 10 dagar þangað til að hún Tinna litla systir verður komin til mín. Já það er smá spenningur komin í mann þó að hún ætli nú víst bara að vera hjá mér í 10 daga og fljúga svo upp til Cairns. Víst eitthvað skemmtilegra fólk sem býr þar uppi. Hei Tinna! Ég sá líka þessi ódyru fargjöld til Cairns hja Virgin flugfélaginu. Kíktu á þetta!

2008-01-14T17:21:00.001+11:00

Loksins erum við komin með girðingu fyrir framan húsið okkar.

Sjá myndir:

Svona lítur húsið okkar út (reyndar er komið hlið í innkeyrsluna)

Verið að gróðursetja Lavander plöntur

Girðingin aðeins byrjuð að myndast...

Húsið okkar fyrir girðinguna

Annars var ég aðeins að kikja á Íslendingabók svona í gamni. Alltaf gaman að kíkja þarna inn.
Maður getur fundið ýmislegt fróðlegt þarna. Sá til dæmis að langa,langa,langa,langa,langa,langa,langa,langa,langaafi minn úr móðurætt hann Bjarni Sturluson var lögrettumaður og sonur prests. Hann var hins vegar settur í útlegð afþví að hann eignaðist barn með konu biskupsins...hahaha.

2008-01-05T16:13:00.000+11:00

Ég ákvað að breyta templatinu hérna svona í tilefni nýs árs. Komin með svo mikið leið á hinu.
Annars er bara steikjandi hiti hérna. Eiginlega of heitt. Við erum að hugsa um að drífa okkur í sund þar sem það er of heitt inni hjá okkur.
Annars vildi ég svo bara þakka fyrir öll jólakortin sem eru búin að fljúga hérna inn til okkar síðustu dagana :)

2008-01-01T17:22:00.000+11:00

Ég óska öllum Gleðilegs Nýs árs og takk fyrir allt liðið og gott. Vona að 2008 verði gott ár fyrir alla.

Árið 2007 í hnotskurn:

JANÚAR - Skruppum til Melbourne á Ástralíudegi og fengum þær fréttir að Toni og Carel ættu von á barni.
FEBRÚAR - Fórum í húsaleiðangur og fundum lítin sætan kofa í Ascot Street.
MARS - Keyptum litla sæta kofan og fluttum á Ascot Street.
APRÍL - Páskar
MAÍ - Ballarat veturinn byrjar
JÚNÍ - Erla og Tinna komu í heimsókn til okkar. Toni og Carel eignuðust litla stelpu, Ruby.
JÚLÍ - Erla og Tinna ennþá hjá mér og við fórum meðal annars til QLD.
ÁGÚST - Ég varð 28 ára.
SEPTEMBER - Frekar óviðburðaríkur mánuður. Fór mest í vinnu, þrif og bókalestur.
OKTÓBER - Nokkur partý og svo kom fyrsti almenni sumardagurinn.
NÓVEMBER - Jólagjafainnkaup á fullu og Tinna tilkynnir að hún sé að koma í aðra heimsókn til mín. Fréttum að Magnús frændi og Ingibjörg eigi von á barni.
DESEMBER - Húsið hennar Maureen selt og hún flutt á elliheimili. Ástralía fékk nýjan forsætisráðherra og nýja vinstri stjórn. Fullt af jólaboðum og jólagjöfum. Frétti svo að annar frændi minn hann Gummi Snorri og kærastan hans eigi líka von á barni í vor. Árinu lauk svo hjá okkur í litlum bæ sem heitir Castlemaine með flugeldum og kampavíni.

-->>> 2008 HERE I COME <<<--

2007-12-26T19:48:00.000+11:00

Búin að setja inn nokkrar jólamyndir

2007-12-24T10:42:00.000+11:00

Aðfangadagur í dag. Ég var bara að vakna og er enn að reyna að safna í mig krafti svo ég geti farið að gera eitthvað, eins og að búa til hrísgrjóadessert fyrir kvöldið.
Við vorum í brúðkaupi í gær sem var í Daylesford. 12 of okkur leigðum litlan rútu-bíl afþví að það tekur svona 30-40 mín að keyra þangað. Dagurinn var bara ágætur. Það var svoldið kalt til að byrja með en svo hlýnaði nú aðeins með deginum....kannski var það bara af því að þá var maður aðeins komin í glas...hahaha. Annars passaði maður nú að drekka ekki of mikið enda verður maður nú að vera ferskur fyrir daginn í dag.
Annars er ég sko alveg að fíla þetta kalda blauta veður sem er búið að vera hér síðustu dagana. Ég veit að þetta eru sko ekkert hvít jól. Meira svona græn jól sem að eru nú betri en gul jól. Maður er sko búin að vera með hitarann í gangi síðustu dagana og það er bara búið að vera rok og rigning. Bara svona eins og mörg Reykjavíkurjól. Miklu auðveldara að komast í jólaskap þegar það er brjálað veður úti og maður situr inni og drekkur heitt kakó.

Annars vildi ég bara óska öllum GLEÐILEGRA JÓLA og FARSÆLS KOMANDI ÁRS!!!

Jóla-og nýárskveðja frá Ástralíu,
Olga

2007-12-08T12:17:00.001+11:00

Jæja þá er partý bylgjan byrjuð. Ég býst ekki við að það renni af manni fyrr en á næsta ári.
Fór í jólaglögg í gær sem var fínt. Nóg af fríum drykkjum. Ég reyndi nú samt að koma mér heim fyrir sólaruprás þar sem við erum svo að fara í fimmtugsafmæli hjá Christine í kvöld sem ég býst við að verði frekar mikið djamm. Hún heldur þetta á skemmtistað sem heitir 'Rafters'. Svo er næsta helgi uppbókuð líka. Jólaball á föstudeginum hjá IBM og svo annað jólaglögg á sunnudeginum. Helgina eftir það erum við svo boðin í brúðkaup og svo eru bara jólin eftir það sem er auðvitað mesta fylleríið. Það er jú rétt að Áströlum finnst voða gaman að fá sér í glas á jólunum en það er nú yfirleitt reynt að halda aftur af sér á jóladag og ekki drukkið of mikið.

Við vorum annars búin að plana að fara til Suður Ástralíu (Mt Gambier) helgina fyrir jól þar sem ég verð í fríi á föstudeginum og mánudeginum en þar sem að okkur er núna boðið í brúðkaup þá býst ég ekki við að við förum. Þetta er það langt að keyra að maður myndi vilja gista í 2 nætur. Ætli við förum ekki bara á ströndina í staðinn.

Ég held ég baki engar smákökur fyrir þessi jól þar sem ég bara sé varla að ég hafi tíma til þess. Ég er að hugsa um að kaupa svona danskar smákökur í baukum sem ég hef séð að Coles selji.
Annars skreytti ég hjá okkur um síðustu helgi. Rosa sætur jólakofi sem við búum í núna. Ég er líka rosa ánægð að vera með stromp. Jólasveinninn ætti sko pottþétt að koma til okkar!!!! Ég er meira að segja búin að hengja upp tvo stóra jólasokka á arininn. Síðan fer maður að ná í jólatréð okkar. Það er í potti úti í garði. Við vorum með sama tré um jólin í fyrra. Það er búið að vaxa aðeins en ekki mikið þannig að það er enn pínulítið sem er gott þar sem stofan okkar er líka lítil.

2007-11-27T16:45:00.000+11:00

Þá er Ástralía búin að fá nýjan forsætisráðherra. Kevin Rudd. Það er jú búið að skipta um stjórn hér í landi. Nú verður maður bara að sjá til hvað verður. Hvort þessi breyting verði til góðs eða ills.

Annars eyddi ég laugardeginum í að baka súkkulaðibita smákökur meðan aðrir fóru að kjósa. Ég er svo myndarleg sko. Þessar smákökur voru svo seldar á skólahátíð hérna í Ballarat. Ég og Patrick skruppum svo á hátíðina sem var á sunnudeginum ásamt öðru fólki. Það var bara ágætt, hljómsveitir að spila á meðan krakkarnir hoppuðu um í loftkastala, dönsuðu og borðuðu nammi þá sat fullorðna fólkið og drakk bjór...hahaha. Já þetta er sko Ástralía fyrir ykkur. Hvar annars staðar væri skólahátið á skólalóð þar sem boðið væri upp á áfengi. Já svo vann ég 2 flöskur af rauðvíni í happdrættinu.

Annars gerðist nú lítið um helgina. Húsið hennar Maureen er á sölu og það var auðvitað opið hús þar um helgina. Maureen er á elliheimili sem heitir Nazareth House. Við náðum í hana á sunnudeginum og grilluðum hádegismat. Kjúkling með salati. Hún var annars bara mjög góð. Allavega miðað við hvernig hún er búin að vera undanfarið. Hún gengur nú samt við göngugrind en var mun hressari samt. Svo átti hún afmæli um daginn. 78 ára gömul!

Svo var ég að frétta að litli frændi minn hann Magnús og kærasta hans Ingibjörg eigi von á barni. Til hamingju með það!!!

2007-11-22T17:40:00.000+11:00

Þá er ég búin að kaupa allar jólagjafir sem þarf að senda úr landi. Nú er bara að pakka inn og fara með þetta út á pósthús. Já ég fór sem sagt til Melbourne síðasta föstudag í hitanum. Var ekki svo slæmt þar sem ég eyddi mestum tíma mínum inní loftræstum verslunum. Ég sá stærstu Supré búð í heimi stelpur. Ný búð búin að opna í miðjum Melbourne. Ég gjörsamlega missti mig og fékk hálfgert brjálæðiskast. Svona kast þar sem maður fer að skjálfa. Vissi ekki fyrr en ég stóð við búðarborðið og var að borga fyrir föt, mest á sjálfa mig. hahaha... Já svo keypti ég á mig skó í Scooters Tinna! Ég eyddi aðeins meiri pening en ég ætlaði þar sem ég fékk kaupæði en þetta var þess virði.

Já síðasta vika var frekar heit. 30-36 stig alla daga. Við alveg að stikna hér með enga loftræstingu. Búin að ákveða að fá okkur eina slíka mjög fljótlega. Svo veit ég ekki hvað gerðist en það fór allt í einu að kólna á Þriðjudagskvöldið. Á miðvikudaginn var bara um 10 stig mest allan daginn og rigning. Maður þurfti að seta hitarann aftur í gang og ná í úlpuna sína. Hitarinn í gangi í dag líka. Svo á nú að fara að hitna eitthvað aftur um helgina. Svona er veðrið í Ballarat. Eins og rússíbani.

Annars fórum við í mat til Christine og Snag í gærkvöldi. Ég var að hjálpa henni að skanna inn myndir fyrir fimmtugsafmælisveisluna hennar sem verður eftir 2 vikur. Hún ætlar að hafa eitthvað svona 'show'. Fengum fínan lax í matinn með allskonar salötum. Christine nú líka listakokkur.

Ég veit ekki hvort að það hefur nú neitt verið í fréttunum heima en hérna eru að koma ríkisstjórnakosningar. Það verður kosið núna á laugardaginn. Það er mjög naumt á milli Frjálslyndaflokksins og Verkalýðsflokksins. John Howard forsætisráðherra er í frjálslyndaflokknum og er búin að vera við völd í 12 ár. Kevin Rudd er leiðtogi verkalýðsflokksins og mun verða nýi forsætisráðherran ef kosinn. Maður verður bara að bíða og sjá hvað verður. Ég má ekkert kjósa hvort sem er.

By the way, Tinna er svo búin að kaupa flugmiða til mín. Kemur hingað 2. febrúar. Jibbýýý! Þú munt sennilega ekki þurfa að pakka eins miklu núna Tinna. Bara stuttbuxur, pils, boli og svo auðvitað bikiní :)

2007-11-06T17:54:00.000+11:00

Þá er hún litla systir mín búin að tilkynna mér það að hún sé líklegast á leiðinni til Ástralíu.
"Haa, þú ert bara nýbúin að vera hérna!!! Hvað er í gangi?" segi ég.
"Þú gætir nú sýnt aðeins meiri áhuga á að fá mig í heimsókn" segir sú litla. "Fæ ég ekki annars gistingu?".
"Jú jú" segi ég. "En er nú samt ekki miklu sniðugra að bara safna pening og kaupa þér eitthvað...eins og nýjan bíl eða fara að spara fyrir íbúð?" spyr ég systurina.
"Hah, nei nei langar það ekkert. Mér langar bara aðeins að skemmta mér og ferðast" segir sú litla. "Nú nú segi ég. Ert sem sagt að plana að eyða mestum tíma þínum hérna hjá mér eða upp í Port Douglas með ákveðnum aðila sem þú kynntist þar síðast".
Vandræðanleg þögn.
"Kannski" segir sú stutta. "Segðu bara ef þú vilt ekki að ég komi".

Já svona nokkurn vegin hljómaði okkar samræður.
Tinna mín þú ert auðvitað velkomin til mín og ég er rosalega spennt fyrir þessu (seriously!). Ég er með mest áhyggjur af foreldrum okkar. Held þau fái algjört áfall ef að önnur dóttirinn er komin í slagtog við Ástrala.

Hvað segiru Tinna, ertu búin að ákveða þetta? (Fluffy here I come!!!)

2007-11-04T14:43:00.000+11:00

Nóvember komin og það er búið að rigna stanslaust þessa helgina. Rok og rigning. Ég sem var búin að hlakka til að grilla. Það er nú svo sem gott að fá svotla rigningu. Veðrið er sérstaklega ógeðslegt í dag þannig að ég er bara búin að sitja inni í allan dag. Ég verð nú að viðurkenna að núna þegar klukkan er að verða 3 þá er ég nú búin að fá ógeð af þessu hangsi og leti. Kannski að maður skreppi bara í bíó. Finnst ég ekki hafa farið í bíó í mörg ár! Ég man ekki einu sinni hvaða mynd ég sá seinast.

Það er sem sagt ekkert að frétta hér nema bara rok og rigning eins og er. Veðreiða Carnivalið byrjaði í Melbourne í gær. 120.000 manns mættu á veðreiðar. Kvenfólkið í fínum kjólum og með hatta. Fyrsti dagurinn heitir 'Derby Day'. Svo er 'Melbourne Cup' á þriðjudaginn (Almennur frídagur í Melbourne) og 'Oaks Day' á fimmtudaginn. Síðan er Ballarat með sinn dag líka sem er seint í mánuðinum og er almennur frídagur í Ballarat. Nei ég fer ekki á neinar veðreiðar þetta árið.

Maður er bara að fylgjast með 'trotturunum' undanfarið. Við eigum hlut í trottara hesti sem er að fara að byrja sinn "feril". Hingað til hefur hann virst mjög góður en maður verður nú að bíða og sjá hvernig hann fer í veðreiðum.

2007-10-30T18:48:00.000+11:00

Fékk sendar allar matvörur vikunnar með flutningabíl í dag eftir vinnu. Frábær þjónusta. Veit ekki afhverju ég fattaði þetta ekki fyrr. Fékk meira segja frían sendingarkostnað afþví þetta var fyrsta pöntun og ýmiskonar matar-og snyrtiprufur fylgdu með. Geri þetta pottþétt aftur í næstu viku.

Síðan var ég að kíkja á blogg síðuna hjá pabba.
Hann er að berjast fyrir nýjum miðbæ á Geirsnefi aðallega til að leysa umferðarþvöngina inn í miðbæinn og er algjörlega á móti þessarri hugmynd um að byggja göng undir borgina sem að ég er sko þokkalega sammála. Hef ekki heyrt aðra eins vitleysu og að byggja göng undir Reykjavíkurborg. Er fólk búið að gleyma því að Ísland er land mikilla jarðskjálftavirkni og ekki talandi um kostnað á þessum göngum. Ég er sammála honum föður mínum með að það væri sko miklu betri hugmynd að dreifa miðbænum aðeins. Td. byggja skrifstofur á Geirsnefi sem er í miðju borgarinnar og ekki einhverstaðar út á Nesi. Þetta myndi líka hjálpa við að vernda gömlu húsin í miðbænum sem að útlendingar koma til að sjá og finnst æðisleg. Reykjavík myndi gjörsamlega missa sálina ef öll bárujánshúsin myndu hverfa og í staðinn myndi miðborgin fyllast af ljótum skrifstofubyggingum.

Pabbi er jafvel búinn að búa til módel af nýjum miðbæ.
Hægt er að kíkja á þetta hérna MIÐBORG

2007-10-28T16:52:00.000+11:00

Þá er búið að breyta klukkunni hérna. Sem sagt búið að flýta klukkunni um 1klst. Sem að þýðir jú að maður þarf að fara á fætur einni klst fyrr í fyrramálið en vanter, en þetta þýðir líka að núna fær maður meiri dagsbirtu á kvöldin þannig að maður getur farið almennilega að grilla. Áður þá var orðið dimmt klukkan 7 en núna verður ekki dimmt fyrr en klukkan 8, svo fer auðvitað deginum að lengja líka. Held að þegar dagurinn er sem lengstur að þá sé bjart til 9 - 9:30 sem er auðvitað um jólin.

Ég fór í Bodyshop partý á föstudagskvöldið. Keypti mér jarðaberja-bodybutter og handkrem. Annars snérist partýið nú lítið um Bodyshop. Rebecca sem hélt partýið á ýmiskonar gæludýr sem eru ekki svona venjuleg gæludýr. Hún á hund sem er bara með 3 lappir, snák og kónguló. Snákurinn er í glasbúri í stofunni. Ekki beint geðslegt fannst mér en við skemmtum okkur nú samt við að horfa á hann borða dauða rottu. Snákurinn smá saman gleypir rottuna og það má sjá útþandan magann á snáknum. Hann þarf svo líka bara að borða einu sinni í viku. Það voru nokkrar dömur þarna sem þorðu að halda á honum. Ég hins vega hljóp útí horn með hvítvínsglasið mitt og falldi mig þangað til hann var komin aftur ofaní búr. Ég var heldur ekkert rosa hrifinn af kóngulónni.

Svo var þetta rosa fína veður á laugardeginum. Lá aðeins í sólbaði og skrapp í búðir. Við keyptum okkur aðeins meira í grænmetisgarðinn okkar. Tómata og chilli þar sem mér tókst að drepa chilli plönturnar mínar frá því í fyrra. Við grilluðum svo í kvöldmatinn rosa góðar nautasteikur með saladi sem var auðvitað úr garðinum okkar :) Dagurinn í dag hefur svo einhvernveginn horfið í hreingerningar. Reyndar kíkti Christine aðeins í heimsókn til okkar. Hún kom frá Evrópuferð sinni á föstudaginn. Þau voru reyndar mest á Spáni, Ítalíu og Maracco. Við erum svo boðin í mat til hennar á miðvikudaginn, ásamt Toni og Carel. Þetta er síðasta vikan sem Toni og Carel verða hérna. Svo fljúga þau aftur til London á næsta sunnudag.

Annars er svo bara vinna á morgunn. Það er búið að vera ótrúlega mikið stress í vinnunni hjá mér í síðustu viku. Við erum 6 sem að vinnum saman. Við erum kölluð "Westpac Backoffice Team". Einn strákurinn flutti yfir í aðra deild á mánudaginn. Sem að þýddi að ég og annar strákur þar Zac skiptum vinnunni hans á milli okkar. Svo voru 2 stelpur veikar mánudag og þriðjudag þannig að það var enn meiri vinna fyrir okkur. Miðvikudaginn fara svo báðir starfsmannastjórarnir og deildarstjórinn á námskeið. Ég og Zac þurftum sem sagt að vinna þeirra vinnu þann dag líka. Á föstudaginn ákveður Zac að taka sér frídag. Ég er sem sagt að vinna þriggja manna vinnu allan föstudaginn. Hef sjaldan verið jafn stressuð í vinnunni og þann dag. Ég er búin að ákveða að hafa fund með deildarstjóranum á mánudagsmorgunn og tala við hann um þetta. Enda gengur þetta ekki til lengdar. Ég er viss um að það sé hægt að skipulegga vinnuna betur á milli okkar. Já þannig var annars vinnuvikan hjá mér. Ég hef sjaldan verið jafn glöð og þegar ég komst út á föstudeginum. Mér finnst nú yfirleitt gott að hafa nóg að gera í vinnunni en þetta var fáranlegt. Enda er sko búnki af vinnu sem bíður eftir mér þessa vikuna. Mikið af þessari vinnu verður líka að vera búið að klára fyrir ákveðin dag. Öll okkar vinna hefur svona 'deadline' þannig að það verður örugglega nóg að gera á mánudaginn líka.

Jæja ég nenni ekki að kvarta lengur út af vinnunni. Þrátt fyrir allt stressið undanfarið þá líkar mér yfirleitt mjög vel hjá IBM.

2007-10-25T22:23:00.000+10:00

Ég er búin að ákveða að ég er komin með nóg af að gera matarinnkaupin á gamla vegann, það er að fara út í búð, fylla körfu og bíða svo í röð á kassa. Ég ætla að gera næstu innkaupin á netinu og láta sko koma með þetta að dyrunum. Sé til hvað kemur út úr þessu.

Annars er ég bara að horfa á nýju seríuna af Heroes. Ég sem hélt að Sylar væri dauður en nei nei hann er enn á lífi og enn brálæðislega morðóður. Afhverju er hann svona vondur....

Svo er ég að fara í Body Shop partý annað kvöld. Ekkert djamm þessa helgi samt. Það á annars að vera rosa fínt veður um helgina. 30 stiga hiti og sól þannig að maður getur kannski eitthvað legið í sólbaði :)

2007-10-20T15:50:00.000+10:00

Loksins er komið sumar. Fyrsti almennilegi sólbaðsdagurinn í dag. Ég dustaði nú samt ekki rykið af bikinini mínu þar sem að það voru 3 karlmenn upp á þaki hérna við hliðina í allan dag. Þeir voru að skipta um þakflísar á húsinu. Ég er nú samt búin að sitja úti mest allan daginn. Borðaði meira að segja morgunmat úti við nýja borðið okkar. Ég hef sko ekki nennt að gera neitt í dag nema að þvo þvott. Fór á djamm í gær með fólki úr vinnunni. Kom ekki heim fyrr en klukkan 2. Er svona hálf þunn í dag, ekki samt það slæm. Patrick er svo farinn á djamm í dag. Steggjapartý hjá vini okkar. Partýið byrjaði í morgunn. Þeir hittust allir á pöbbi og tóku svo rútu á veðreiðar. Já það er nú meiri óreglan á okkur hjónunum. Ekkert nema drykkjuskapur.

Svo er skírn hjá Toni og Carel á sunnudaginn. Ruby Kate verður skírð og svo verður grillveisla heima hjá Claire á eftir. Já þannig er nú þessi helgi, vonandi verður sú næsta aðeins rólegri.

2007-10-14T17:40:00.000+10:00

Æðislega fallegur dagur í dag. Svona ekta góður íslenskur sumardagur. Búin að sitja út í garði mest allan daginn :)

Við fórum til Melbourne í gær. Keyrðum reyndar fyrst í bæ sem heitir Daylesford og fengum okkur morgunmat. Skruppum í miðbæ Melbourne og kíktum aðeins í búðir. Ég keypti mér 2 vinnuboli. Við fórum svo líka í IKEA. Það er orðin hálfgerður siður hjá okkur að fara í IKEA einu sinni á ári. Keyptum nú reyndar ekki mikið þar, bara nokkra smáhluti en það er samt alltaf gaman að kíkja þangað og fá sér pulsu og kaupa nokkra pakka af Ballerina kexi.

Við erum svo búin að kaupa okkur gasgrill. Já maður er sko að gera sig kláran fyrir sumarið, hehe. Patrick eyddi mest öllu föstudagskvöldinu í að setja það saman. Maður heyrði þónokkur blótsyrði það kvöld en þetta komst nú saman á endanum. Við erum reyndar ekki búin að prófa grillið ennþá þar sem okkur vanta gaskút. Búðin sem við keyptum grillið af átti enga eftir þar sem þeir höfðu verið á útsölu. Við fórum nú svo reyndar og ætluðum að fá okkur svona fínt timbur garðstólasett (borð og 4 stólar) en sú búð þurfti að panta það inn fyrir okkur líka þar sem það var á útsölu og þeir áttu ekkert eftir á lagernum. Við fáum það nú samt sennilega í vikunni. Þá er sem sagt planið fyrir næstu helgi að grilla STóRT.... sennilega ekki fyrr en á sunnudaginn samt þar sem Patrick er að fara í steggjapartý á laugardaginn.

Jamm, annars er ekki mikið annað búið að gerast. Margie, Maree og Maureen kíktu í heimsókn til okkar fyrr í dag. Það er byrjað að gera húsið hennar Maureen tilbúið til að selja. Hún er reyndar ekki enn komin inn á elliheimili en það er samt byrjað að taka til hjá henni og henda allskonar drasli.

Við erum alltaf að spá og spekúlera í hvað við ætlum að gera við okkar hús. Erum ekki enn búin að ákveða hvað við gerum. Það eru nokkrið valmöguleikar.
1. Gera sem minnst við húsið og reyna að borga af láninu eins hratt og hægt er og vona að fasteignaverð haldi áfram að hækka.
2. Gera upp bakhlutan en ekkert byggja við. Leigja húsið út og kaupa annað.
3 Byggja við að aftan (bæta við þriðju svefnherbergji og annarri stofu. Búa hér í nokkur ár.

Já við erum endalaust að koma með nýjar hugmyndir og sífellt að breyta um skoðun.

2007-10-08T19:38:00.000+10:00

Jæja, þá er maður komin aftur til að blogga.
Þetta var ein af þessum helgum þar sem maður er þreyttari á mánudeginum en maður var á föstudeginum. Við fórum út að borða þrisvar sinnum í vikunni. Toni er komin í heimsókn frá London með litlu Ruby Kate og við fórum öll út að borða á þriðjudagskvöldið og kíktum svo nokkur á ljóðakvöld á litlum skrýtnum pöbbi. Ekki spyrja mig afhverju við lenntum þar. Við fórum auðvitað öll með ljóð og vísur. Ég fór með nokkrar íslenskar vísur. Ég reyndar mundi eiginlega engar vísur og sagði bara "Fljúga hvítu fiðrildin" og "Afi minn fór á honum Rauð" á íslensku og vakti mikla lukku.
Toni, Ruby og Maureen komu svo til okkar í mat á fimmtudagskvöldið. Patrick gerði írskan Guinness Nautarétt og var mjög góður.
Það var svo vinnufundur hjá mér á föstudagskvöldið. Það er að segja fundað í svona hálf tíma og svo drukkið og kjaftað það sem eftir er. Ég fékk mér aðeins of mikið af einhverjum belgískum bjór sem heitir hagen eitthvað og var svoldið þunn daginn eftir.
Við skötuhjúin ákváðum nú samt að fara út að borða á laugardeginum og fengum okkur ítalskt og gott. Já svo enduðum við með því að fara aftur út að borða á sunnudeginum þar sem við hittum nokkra vini okkar og enduðum á Thailenskum veitingastað.
Ég var svo ógeðslega þreytt í vinnunni dag að yfirmaðurinn minn sagði við mig tvisvar að ég mætti fara snemma heim þar sem ég var að sofna á lyklaborðinu mínu. Ég þraukaði nú samt út daginn en er sko á leiðinni uppí rúm núna. Góða nótt.

2007-09-16T19:51:00.000+10:00

Önnur helgi búin. Afhverju líða helgarnar alltaf svona hratt? Kannski afþví þær eru bara 2 dagar og vinnuvikan 5 dagar. Ekki alveg sanngjarnt finnst mér.

Hvað er annars búið að vera að gerast? Það er búið að vera rosalega rólegt hjá okkur undarfarið. Lítið um partý og djamm sem er svo sem alveg allt í lagi. Við erum búin að vera að reyna að ákveða okkur með lit á girðingu sem á að fara fyrir framan húsið okkar. Keyptum gula málningu um síðustu helgi og máluðum eina umferð. Okkur fannst svo þessi litur nú aðeins of gulur og höfum ákveðið að tóna hann aðeins niður. Húsið mun svo vonandi einhverntíman verða málað í sama lit.
Ég bakaði svo muffins í dag til að taka með í vinnuna á morgunn handa Mick og Brad því þeir eiga afmæli. Súkkulaði muffins....mmmmhhhh..

Best að fara af netinu því mamma er ábyggilega að reyna að hringja og alveg að fara á taugum af því það er alltaf á tali ;)

2007-09-08T08:51:00.000+10:00

Það er allt á fullu hér í Kengúrulandi.
Það er stór fundur í Sydney fyrir APEC (Asia Pacific Economic Cooperation). Þetta þýðir að miðborg Sydney er lokuð fyrir almenning. Í gær var Sydneybúum gefinn almennan frídag og sagt að fara sem lengst frá borginni. Allt út af því að forsætisráðherra Ástralíu John Howard, George Bush, Vladimar Putin og forseti Kína hittast í miðborginni og chatta um stríðið í Írak og gróðurhúsaáhrif. Öryggisgæslan í Sydney er það sterk að það kemst engin um miðborgina án þess að vera spurður um skilríki og í suma hluta þarf fólk að vera með sérstaka öryggispassa.

Það voru þó nokkrir ástralskir grínarar sem komum mun lengra í gegnum öryggishlið en þeir héldu. Þeir komust um 10 metra frá George Bush. Leigðu þeir 3 svarta bíla og settu kanadíska fána á einn bílinn. Höfðu þeir svo plat öryggisverði hlaupandi meðfram bílunum. Öryggisverðirnir voru allir með plat öryggispassa sem sögðu "Það er frekar augljóst að þetta er ekki alvöru passi". Bílarnir komust alla leið í gegnum öll hlið og ekkert fattaðist fyrr en þeir stoppa bílana og út stígur Osama Bin Laden (einn grínarinn hafði klætt sig upp sem Osama). Þá varð allt brjálað og liggur við að "Osama" hafi verið skotinn. Svo má bæta við að Kanada var ekki einu sinni boðið á þennan fund. Það fyndnasta er að þessir grínarar eru með gamanþátt ("The Chasers") á ABC sjónvarpstöðinni og eru á launalista ríkisins þar sem ABC er ríkisrekin stöð hahahaha.

Já allt brjálað hérna í Kengúrulandi. George Bush náttúrulega ótrúlega merkilegur og vitur maður maður (hóst, hóst). Það var í fréttunum í gær að hann kallaði fundinn APOC og kallaði svo Ástrali "Austrians" (Austurríkisbúa!!!). Já það er alltaf líf og fjör í kringum Bush...

Æi já ég var svo eitthvað að leika mér með templatið hérna þannig að síðan er eitthvað búin að breytast.

2007-09-06T21:14:00.000+10:00

Þá er maður komin í annað internet ruglið. Facebook!
Þetta er náttúrulega algjört rugl en það virðast allir vera á þessu. Alveg ótrúlegt. Engin virðist vita afhverju og hvað þeir eiga að gera. Fólk sendir bara kokteila sín á milli, pókar hvort annað og breytir einhverju saklausu fórnarlambi í vampíru. Fyrir þá sem eru ekki á Facebook þá mun þetta ekki meika neinn sens. Já það er nú meira ruglið sem maður flækir sig í á þessu blessuðu neti.

2007-09-02T16:12:00.000+10:00

Ég er búin að vera ótrúlega húsmóðursleg í dag.
Þvoði þvotta, bjó til graskerssúpu, bjó til 'chickpea' og feta salat, bjó til Ricotta og spínat lasagna og bakaði súkkulaði muffins. Svo ætla ég að elda steiktan fisk í kvöldmatinn. Gerði allt þetta á meðan ég hlustaði á The Killers, Pixies og Cake. Ég held ég hafi gert út af við Patrick með öllu þessu. Hann allaveganna lét sig hverfa. Sagðist vera að fara á fótboltaleik....
Ég sem sagt hef það bara gott. Ligg í sófanum með rauðvínsglas og chickpea & feta salat. Hlusta á The Killers í gegnum nýja Ipodinn minn (í gegnum græjurnar). Er að lesa "Hús andanna" í fyrsta sinn á ensku. Var að klára að lesa "A Thousand Splendid Suns" eftir sama höfund og skrifaði "Flugdrekahlauparann". Veit ekki hvað þessi bók heitir á íslensku. Kannski "Frábærar sólir í þúsundatali" ...ég samt held ekki. Þetta er allaveganna alveg ágæt bók en maður verður ótrúlega reiður þegar maður les sumt í bókinni. Hvernig konur í Afghanistan voru með minni réttindi heldur en hundar. Ég verð núna að fara að lesa flugdrekahlauparann.

2007-09-01T14:40:00.000+10:00

Það er eitthvað búið að kvarta yfir bloggleysi. Og ég sem hélt að það læsi þetta enginn.
Það er nú bara búið að fara lítið fyrir manni síðustu dagana. Ég er aðallega bara búin að vera að jafna mig á flensunni. Já fékk aðra flensu og í þetta skiptið var þetta líka almennilegur vírus. Er nú samt öll að koma til núna.

Það er fyrsti vordagurinn hér í dag og líka þetta fínasta blíðuveður úti. Mætti segja að það sé alveg týpískt íslenskt sumarveður. Svona veður þar sem maður sér sumt fólk á stuttermabolum en annað fólk enn í úlpu. Ég er enn í úlpu. Ég er nú líka svoldil kuldaskræfa.

Svo var ég að kaupa mér IPOD. Algjört undratæki þetta. Er búin að setja alla mína tónlist á þetta og svo búin að downloada smá líka þó að ég efast um að það sé nú alveg löglegt. En ég sé nú engan mun á þessu og að taka upp tónlist úr útvarpinu, sem að maður gerði nú í denn.

Ætli maður taki því nú svo ekki bara rólega þessa helgina. Ég fór í klippingu í dag og ætli það verði ekki bara hápunktur helgarinnar, haha. Annars er nú svo gott veður að ég kíkti í göngutúr og endaði með 2 kodda á leiðinni heim. Já keypti handa okkur fleiri kodda. Alltaf gott að eiga nóg af koddum, haha. Síðan kíktum við á hús til sölu hérna á bakvið okkar hús. Bara svona til að forvitnast. Þetta er 3 svefnhergja múrsteinshús og kostar um 12.5 millj íslenskar kr. Það var mjög snyrtilegt en þarf samt nýtt eldhús, nýja baðherbergis inréttingu, nýtt á gólfin og málningu að innan. Þetta þýðir að maður myndi þurfa að eyða næstum því 5 millj í að gera það upp. Það væri nú samt alveg hægt að leigja það út eins og það er og fá svona 45-50.000kr á mánuði í leigju. En ekki að við séum alveg að leita okkur að nýju húsnæði eins og er. Það er bara gott að fylgjast með húsnæðisverði.

2007-08-12T15:58:00.000+10:00

Já þá er aldurinn byrjaður að gera vart fyrir sér. Ekki einu sinn vika síða ég átti afmæli.
Ég fékk fyrst svona eldrafólks gjöf. Hornborð og lampa. Ég reyndar valdi þetta sjálf en samt....hvað varð um það að fá tölvuleik eða snyrtidót í afmælisgjöf? Ég er nú reyndar mjög ánægð með mína gjöf. Rosa flottur lampi!
En svo núna fyrir helgina þá byrjar maður að stirðna rosalega í bakinu og er með frekar óþægilega verki í síðunni. Fyrsta sem ég hugsa er botnlanginn þó að verkirnir væru ekki það brjálæðislegir. Ég fór svo til læknis í dag. Nei ég er sko ekki með einhvern unglingasjúkdóm eins og botnlangakast, heldur gamalmennissjúkdóm. Þvagsýkingu! Já sett á fúkkalyf við þessu og alles. Sendi svo Patrick út í búð að kaupa trönuberjasafa eins og flest gamalmenni drekka víst. Var að hugsa um að láta hann kaupa svona sveskjusafa líka, svona bara til að vera töff í gamalmannasamfélaginu. Ég verð nú að viðurkenna að ég er hálf fegin að hafa ekki verið með botnlangakast.

Eftir allt þetta bakaði ég pönnukökur. Já það jafnast ekkert á við íslenskar pönnukökur og kaffi (reyndar fékk ég mér ekki kaffi, eins gott að halda sig frá svoleiðis í smátíma).

Patrick og ég fórum svo í 21árs afmæli í gærkvöldi hjá stelpu sem vinnur með mér. Það var svo sem ágætt en það var samt ótrúlega mikið af skrýtnu, mjög ölvuðu fólki þar. Ég drakk ekki þar sem að mér leið hálf illa í nýrunum/blöðrunni (ég veit þetta hljómar fyndið). Ég reyndar fékk mér eitt lítið glas af rándýru Möet & Chandon kampavíni, bara svona af því ég varð að smakka.

Ég ætlaði svo að fara í dag og kaupa mér Ipod spilara en ég held að það verði ekki af því. Ég verð samt að fá mér svoleiðis og þá get ég hlustað á hann í vinnunni, svo ég þurfi ekki að tala við hinn illa lyktandi John sem situr við hliðina á mér. John er búin að vinna hjá IBM í næstum ár. Fljótlega eftir að hann byrjaði þá fór fólk að kvarta yfir því hvað það var vond lykt af honum. Þetta er rosa skrýtin lykt, samblönduð táfýlu, súrum sígarettulykt og einhverju öðru. Þetta er ekki svona venjuleg svitalykt. Þetta varð svo slæmt að vakatarstjórinn varð að tala við hann um þetta. Ekki smá vandræðalegt finnst mér. Eina er að lyktin minnkaði ekkert við þetta. Núna er hann kominn baksvæðis í þjónustudeildina þar sem ég vinn og ekki bara það heldur situr við hliðina á mér!!! Við erum 6 plús deildarstjórinn og vaktarstjórinn á þessu svæði og við vorum öll að kvarta undan lyktinni. Vakarstjórinn varð því að "tala" aftur við John. Lyktin er kannski aðeins skárri núna en samt getur maður enn fundið hana. Svo er það ekki bara lyktin heldur er hann alveg ótrúlega leiðinlegur. Segist vera með rosa háa greindartölu og er alltaf að monta sig af því sem hann er að gera. Já ég vil nú yfirleitt ekki vera að baktala fólk en ég gjörsamlega þoli hann ekki. Eina er að ég er "hærra sett" en hann svo að ég verða að reyna að nota það og láta færa hann eitthvað annað. Í alvörunni, það er ekki hægt að vinna með svona fólki.

2007-07-30T18:55:00.000+10:00

Fór á IBM ballið um helgina. Þetta var stór dagur og mikið drukkið. Allt of mikið drukkið. Skemmti mér nú samt vel en ekki eins vel daginn eftir.

Svo kíktum við aðeins í búðir á sunnudeginum og keyptum okkur stofuborð. Sem var nú ekki seinna vænna. Ég breytti svo öðru svefnherberginu okkar í hálfgerðan fataskáp. Enda komin með nóg af að hafa helminginn af fötunum mínum í ferðatösku.

Já svoleiðis var nú helgin.

2007-07-18T17:18:00.000+10:00

Já það snjóaði hér í gær. Svona leit húsið okkar út. Vona að þið njótið sumarblíðunnar á Íslandi! Ég ætla að fara út og búa til snjókarl.

2007-07-16T13:27:00.000+10:00

Ég ákvað að taka mér veikindafrí í dag. Verð nú að jafna mig eftir að hafa haft litlu systur mínar hjá mér í 5 vikur. Jú svo er ég víst líka með rosalegt kvef og hita held ég.

Annars var gærdagurinn svoldið sögulegur.
Stelpurnar fóru í flug um 11 leytið í gærkvöldi (og sitja víst enn í flugvél greyin) en það munaði nú litlu að við kæmumst ekki á flugvöllinn.

Það tekur svona 1 og hálfan klukkutíma að keyra héðan á flugvöllinn í Melbourne. Við vorum búin að keyra í svona hálftíma þegar ljósin á bílnum allt í einu slökkna. Við rétt komumst upp brekku á 'hraðbrautinni' og bíllinn deyr. Gjörsamlega deyr. Eina sem virkaði voru aðvörunarljósin. Ég hélt að svona gerðist bara í bíómyndum. Þá er ég að meina að bílar bili á leið út á flugvöll. Við þurftum sem sagt að hringja í svila hans Patricks. Hann kom á sínum bíl og keyrði okkur á flugvöllinn. Það var svo hlupið að check-in sem var betur fer ennþá opið. Stelpurnar voru nú samt held ég síðastar að checka sig inn og ætli þær hafi ekki fengið verstu sætin í vélinni (við hliðina á klósettunum).
Jæja, stelpurnar komumst sem sagt út í vél, sem betur fer, annars hefðu þær kannski þurft að vera hér í nokkrar vikur í viðbót! (hahaha). Vona að ferðin gangi vel hjá þeim. Fékk SMS í morgunn og þá voru þær millilenntar í Hong Kong. Þær eiga svo að vera komnar til Íslands um 11 á mánudagskvöld. Pabbi muna að sækja!

Það eru líka ágætar fréttir með bílinn. Það var settur í hann nýr rafgeimir sem að kom honum aftur til Ballarat. Lítur út fyrir að það þurfi að skipa um Alternatorinn í honum. Vil nú taka fram að þetta er ekki bílinn okkar heldur bíllinn hennar Maureen. Já smá söguleg flugvallarferð. Stelpurnar litu nú ekkert út fyrir að vera allt of stressaðar en ég held nú samt að Erla hafi þurft að fá sér Gin og Tonic þegar hún var komin upp í vél.

2007-07-15T13:19:00.000+10:00

Síðasti dagur stelpnanna í dag og ég er orðin lasinn. Allaveganna með ógeðslegt kvef. Við fórum heim til Margie á föstudagskvöldið og fengum okkur pizzu og bjór með fjölskyldunni. Síðan var aðeins kíkt í bæinn eftir það. Fórum svo á veðreiðar í gær og kíktum í bæinn. Ég er sko komin með nóg af því að drekka...

Ég er líka búin að setja inn nokkrar myndir í viðbót, fyrir litla bro. Myndir.

2007-06-28T13:16:00.000+10:00

Þá eru Erla og Tinna komnar til mín. Við fórum upp til Port Douglas í viku. Port Douglas er lítill strandarbær í QLD, nálægt Cairns. Við kíktum þar í frumskóg og rákumst á nokkra krókódíla, snáka og eitraðar kóngulær. Svo fórum við líka að snorka í kóralrifinu mikla sem var rosa gaman þó að maður hafi verið smá smeykur fyrst að henda sér útbyrðis út á miðju hafi. Sjórinn þarna var sum staðar 15-20m djúpur. Við lifðum þetta nú samt af og eigum myndir til að sanna það. Við sáum allskonar sjávarverur, ma. Nemo, krossfiska, risa skeljar, risa fiska (og pínulitla sæta fiska) og svo hákarla. Þetta var alveg ótrúlegt. Alveg eins og að synda í einhverju ævintýralandi. Sjórinn er líka rosalega tær þannig að maður sér allt rosa skýrt.

Við erum núna komin aftur til Ballarat og það er frekar kalt og napurlegt. Við förum svo til Melbourne um helgina í smá verslunarleiðangur. Þetta er reyndar verslunarleiðangur númer 2 þar sem við vorum í Melbourne 1 dag áður en við flugum til QLD. Maður getur samt aldrei verslað of mikið.....nema þegar maður klárar peninginn sinn sem að lítur út fyrir að Tinna muni gera.

Svo í næstu viku er planað að fara í 6 daga ökuferð til Grampians fjallagarðsins og Mildura. Með þónokkrum stoppum.

Annars, hef ég sett inn nokkrar myndir hérna frá Port Douglas og Great Barrier Reef.

2007-06-06T20:28:00.000+10:00

Jæja. Þá er smá spenningur komin í mann. Erla og Tinna lenda í Melbourne eftir rúmlega 2 daga. Svo bara ein vika í viðbót í vinnunni og þá verð ég komin í frí. Get ekki beðið!

Annars hef ég ekki mikið annað að segja. Alltaf fullt að gera í vinnunni.
Ok, Heroes eru að byrja og ég verð að horfa á þetta og sjá til hvort að þeir ná vonda kallinum, Sylar.

2007-06-01T22:01:00.000+10:00

Fyrsti vetrardagur hér. Já kom með tilheyrandi kulda og vætu. Týpiskt íslenskt veðurfar....kannski meira eins og íslenskt haustveður.

Annars eru stóru fréttirnar þær að systir hans Patricks, Toni (sem býr í London) og maðurinn hennar Carel eignuðust lítið stúlkubarn í gær. Ruby Kate var tekin með keisara um hádegi í gær 31.maí í London og vó um 2.6 kíló ( rúml 10 merkur). Bæði móður og dóttur heilsast vel.

Svo er bara vika í að Erla og Tinna lendi á Tullamarine flugvellinum í Melbourne. Já rosa spennó. Við erum enn ekki búin að redda neinu fyrir þær að sofa á. Vonandi að við verðum búin að redda allaveganna dýnu fyrir næstu helgi.

2007-05-30T19:03:00.000+10:00

TIL HAMINGJU MEÐ AFMÆLIÐ TINNA!!!

2007-05-28T18:32:00.000+10:00

Jú ég hafði rétt fyrir mér. Grillveislan var úti. Sem þýddi að maður þurfti að drekka sér til hita. Það var reyndar bál útí garði og sat maður í kringum eldinn. Sem þýddi að maður endaði með hálfgerða reykeitrun og þurfti að setja öll fötin okkar í þvott morguninn eftir. Annars var partýið bara ágætt. Fólkið sem hélt partýið er að flytja til Saudi Arabíu í 2 ár. Konan er bresk en maðurinn ástralskur og ætla þau að kenna í alþjóðlegum skóla þar. Hitti svo líka írska stelpu í partýinu og skrifuðum auðvitað skemmtlegt sms til Helgu og Keith á írsku, he he.

Svo átti Patrick afmæli á laugardeginum. Hann fékk vélsög í afmælisgjöf. Jebb, rosa spennó. Reyndar keypti ég líka dvd og geisladiska handa honum. Svo keypti ég líka nýja sæng um helgina og kodda og rúmföt. Sagði Patrick að það væri líka afmælisgjöfinn hans, ha ha. Held að hann hafi samt ekki verið neitt það spenntur yfir því. Fannst eitthvað meira spennó að eiga vélsög. Ég er gjörsamlega ástfangin af nýju sænginni okkar. Rosa fín dúnsæng. Lá uppí rúmi mest allan sunnudaginn undir sæng og knúsaði nýja koddann minn. Komst svo varla fram úr rúmi í morgunn. Rúmið var bara allt of kósý.....en það er nú svo sem ekkert nýtt.

Ég komst nú reyndar fram úr rúminu á sunnudeginum til að elda afmæliskvöldmat handa Patrick. Eldaði Nautakjöt í Guinness, sem er svona nautakássa á Írskan máta. Já eldað í Guinness. En núna ætla ég að fara að horfa á Desperate Housewifes. Já ég horfi enn á þessa þætti á mánudagskvöldum í sjónvarpinu. Ég er svo gamaldags og downloada þessu ekki ólöglega af netinu eins og flestir aðrir.

2007-05-24T18:57:00.000+10:00

Brrrrr.....komin vetur hér. Reyndar er fyrsti vetrardagur ekki fyrr en 1.júní en ég er búin að taka fram vetrarkápuna mína. Ég ætla svo að fara að kaupa nýja sæng handa okkur. Við eigum bara hálfgerða sumarsæng. Vantar sko almennilega dúnsæng.

Við erum reyndar að fara í grillveislu á laugardaginn. Ég vona samt að það verði ekki úti í garði. Þá verður maður að drekka svo mikið til að halda á sér hita. Svo á Patrick afmæli á laugardaginn en ég býst ekki við að við gerum mikið, nema að fara í þessa grillveislu. Ég elda svo kannski eitthvað gott handa honum á sunnudaginn.

2007-05-19T16:49:00.000+10:00

Ég er búin að vera að dunda mér í að setja upp svona My Space síðu, eins og allir virðast vera með í dag. Rosa gaman. Ég er bara með þessa síðu i gamni. Ég mun halda áfram að blogga hér. Þið getið kíkt á síðuna hérna: http://www.myspace.com/kenguran

2007-05-15T18:47:00.000+10:00

Ég horfði smá á Eurovision á Sunnudeginum. Já það var sýnt einum degi seinna hérna. Ég var reyndar búin að komast að því að Ísland hefði ekki komist í gegn. Ég sem sagt horfði á einn klukkutíma af keppninni, en svo byrjaði Grey's Anatomy og ég skipti um stöð til að horfa á það og ég verð nú að viðurkenna að mér fannst það skemmtilegra. Það voru nú bara þónokkuð af fólki sem horfði á þetta í vinnunni. Maðurinn sem situr við hliðina á mér tók þetta upp og er búin að horfa á þetta 3 sinnum og hlær alltaf jafnmikið í hvert skipti. Ég held að hann eigi ekkert líf.

Já svo fattaði ég að ég hefði misst af kosningunum. Fékk ekki einu sinni tækifæri til að kjósa. Það gerir nú samt ekkert til. Ég er viss um að Sjálfstæðisflokkurinn hefði samt unnið.

Annars er mesti spenningur í lífi mínu Supercoach Footy. Þetta er keppni þar sem maður setur saman ástralskt fótboltalið og keppir á móti öðrum keppendum. Ég er í 3. sæti í minni keppni (NB Patrick er bara í 8. sæti) og er orðin algjör meistari í að skipta út leikmönnum og setja saman alveg frábært lið. Það eru bara 2 stelpur í keppninni sem ég er í (af 16) og ég er hærri en allir aðrir sem við þekkjum í keppninni og ég hef það á tilfinningunni að hinir strákarnir séu hálf fúlir yfir að Íslensk stelpa sé að vinna þá...hehe.

2007-05-10T20:31:00.000+10:00

Ég er búin að vera að plana Ástralíuferðina fyrir stelpurnar. Það er að segja hvað við munum gera meðan þær eru hér. Bókaði flug og hótel til Queensland í gær. Annars hefur ekkert annað gerst. Ekkert planað fyrir helgina nema að við munum aftur gista hjá Maureen á laugardagskvöldinu og svo er mæðradagur á sunnudeginum og það munu nokkrar af systrum Patricks koma í hádegismat. Ég er að missa af Lost í sjónvarpinu. Locke og Kate eru að fara að finna The Others og bjarga Jack.

2007-04-30T13:13:00.000+10:00

Ég held ég viti afhverju ég var svona þreytt á föstudeginum. Ég byrjaði á að fá magaveisu á laugardeginum og svo hita um kvöldið. Hitinn er farinn en ég er enn að fá í magann öðru hverju þannig ég fór ekki í vinnuna í dag.

1.maí á morgunn. Hérna er fyrsti maí ekkert sérstakur dagur. Verkalýðsdagurinn hér var í mars. Þannig að ég þarf sennilega að fara í vinnuna, nema ég verði enn of "slöpp" til að fara.

Annars gengur vinnan bara mjög vel hjá IBM. Ég er núna orðin ein að yfir-tölvuráðgjöfunum í okkar deild fyrir Westpac-banka. Það þýðir að ég tek eiginlega engin símtöl lengur, nema ef að það sé rosalega mikið að gera. Maður er aðallega að hjálpa nýju starfsfólki og hringja í Westpac starfsfólk til að reyna að leysa ýmsa tölvuvanda fyrir það. Mér finnst þetta bara ágætt , sérstaklega þar sem maður þarf ekki að vera að svara í símann allan daginn.

2007-04-27T19:29:00.000+10:00

Við erum heima hjá Maureen í kvöld. Við munum gista hjá henni í nótt. Það er svo búið að spá almennilegri rigningu hérna um helgina. Það er ekki búið að rigna almennilega hér í svona 2 ár ábyggilega. Maður trúir þessu nú samt ekki fyrr en maður sér það.

Patrick var svo eitthvað að hneykslast á myndavali mínu í síðustu færslu. Fannst þetta eitthvað ósmekklegt af mér. Mér fannst það nú líka en mér finnst nú svo gaman að hneyksla..... (hóst). Vildi koma af stað skemmtilegri umræðu um gallabuxnatískuna í dag....en það eru allir svo lélegir að kommenta....nema auðvitað Solla.

Annars ætla ég bara að sofa um helgina. Ég er búin að vera svo ógeðslega syfjuð þessa vikuna. Veit ekki hvað er að mér. Við erum reyndar að fara út að borða á laugardagskvöldinu. Maree, systir hans Patricks á afmæli. Annars held ég að það sé komin tími á almennilegt djamm. Maður bíður kannski bara eftir að Erla og Tinna komi :)

2007-04-25T10:57:00.000+10:00

TIL HAMINGJU MEÐ AFMÆLIÐ DAVÍÐ!!!
Það er pakki á leiðinni.

Almennur frídagur í dag og ég svaf sko út. Rosalega gott :) Veit ekki hvað ég á að gera af mér í dag. Það verður þónokkuð af búðum opnar eftir klukkan 12 í dag. Það má ekkert vera opið fyrir 12. Kannski að ég rölti niðrí bæ og kíkji í Myer.

Annars keypti ég mér nýjar gallabuxur um daginn sem var ekki eins auðvelt og hélt. Búðirnar eru allar yfirfullar af skinny jeans. Maður er nú svona aðeins byrjaður að venjast þessari tísku en mér finnst ekkert eins óaðlaðandi og stelpur í skinny jeans sem að eru kannski stærð 12-14 (ensk nr). Ég er ekki að segja að stærð 12-14 sé feitt. Ég er sjálf stærð 12. En þetta þýðir að maður er með rass og læri. Skinny Jeans og Rass og læri fara ekki saman. Ef að þú ert ekki stærð 6, ekki vera í skinny jeans, nema þá að þú sért í síðri peysu. Þetta er ekkert rosalega flott lúkk. Nú er ég ekki að reyna að hvetja fólk til þess að fá anórexíu en skinny jeans eru flottar á módelum afþví þær eru yfirleitt stærð 4-6. Sjáið þið munið. Þær eru ekkert það flottar þegar maður fer að reyna að troða sér í þær.

2007-04-22T15:34:00.000+10:00

7 vikur stelpur. 7 vikur!!!

Þá er önnur helgi á enda. Við gistum heima hjá tengdó í gærkvöldi. Fjölskyldan er en að skiptast á að vera hjá Maureen. Ég held að hún sé að verða svoldið betri. Hún var allaveganna þónokkuð málglöð í gær. Ég þurfti samt að hjálpa henni að komast í náttfötin en hún gat svo alveg klætt sig um morguninn án hjálpar.

Ég fattaði svo að Davíð á afmæli núna á miðvikudaginn. Tíminn líður svo hratt. Manni finnst jólin bara vera nýbúin og þá er komnir páskar. Ég dreif mig sem sagt út í búð í dag og keypti afmælisgjöf handa litla bro. Hann fær hana bara viku eftirá. Við sáum svo líka þennan fína vínrekka. Við erum búin að vera að leita að vínrekka sem passar í arininn í stofunni. Þessi passar akkúrat. Núna verður maður að kaupa sér kassa af víni og fylla rekkan. Annars er ég hrædd um að því meira vín sem maður kaupir, því meira vín maður drekki.
Við erum svo að reyna að koma upp öðrum grænmetisgarði hérna í garðinum. Síðasti grænmetisgarður endaði ekkert allt of vel. Við erum samt bjartýn á að þetta takist betur núna. Jarðvegurinn virðist vera svoldið betri. Vetrargrænmeti sem maður getur ræktað er ma.: gulrætur, gulrófur, laukur, hreðkur, radísur og baunir. Ég setti svo líka niður lauka fyrir páskaliljur og túlipana.

Ein stærstu grænmetis-og ávaxta ræktunarsvæði í Victoriufylki eru rétt hjá Mildura í Norður Victoriu. Þeir hafa alltaf fengið vatn frá ánni sem rennur þarna upp frá "The Murray River". Vatnið rennur úr ánni í skurðum til býlanna sem er svo notað til að vökva. Af því að það eru svo miklir þurrkar þá hafa stjórnvöld ákveðið að loka fyrir skurðina. Þetta þýðir sem sagt að bændurnir munu ekki hafa nóg vatn til að vökva og mest öll uppskeran mun deyja. Þetta mun þá sennilega þýða að ávextir og grænmeti mun hækka mjög í verði. Einnig mun kjöt hækka í verði þar sem að bændur eru að selja nærri alla náutgripi og fé afþví það er ekki nóg gras eða vatn til að halda þeim á lífi. Kýrnar okkar hafa það svo sem alveg ágætt. Við keyptum svoldið af heyböggum handa þeim og það er smá vatn eftir í vatnsbólinu handa þeim að drekka. Ég býst samt ekki við að það vatn dugi í marga mánuði í viðbót ef það rignir ekki. Við erum að vonast til að selja þær í maí. Já ég myndi sko ekki vilja vera bóndi í Ástralíu.

Það er svo frí hérna á miðvikudaginn. Anzac Dagur. Það er minningardagur hermanna. Þá er hermönnum sem börðust í heimstyrjöldunum og öðrum stríðum vottuð virðing. Skrúðgöngur eru haldnar í öllum bæjum. Svo borðar fólk Anzac smákökur, sem eru svona engifer/hafrakökur. Ég held að ég sofi bara út og taki því rólega.

2007-04-13T19:16:00.000+10:00

TIL HAMINGJU MEÐ AFMÆLIÐ ERLA!!!

2007-04-12T22:46:00.000+10:00

Ok, ég er enn með ógeð af súkkulaði, sem er ógeðslega pirrandi því mér finnst svo gott að fá mér kaffi og súkkulaði í kaffitímanum mínum í vinnunni.

Svo er að koma önnur helgi. Við erum að fara í kveðjupartý annað kvöld. Vinur okkar Jordan og kærastan hans eru að fara til Evrópu í nokkra mánuði. Svo munum við gista heima hjá Maureen í Dunnstown á laugardagskvöldinu. Við erum síðan að plana að fara til Melbourne á sunnudeginum. Við ætlum að kíkja á svona einhvernskonar 'hús og hýbíli' sýningu þar og fara svo á fótboltaleik. Fótboltaliðin Haukarnir og Kengúrurnar spila.

Kíkti á stjörnuspána mína fyrir daginn í dag, svona i gamni....

Ljónið
(23.7 - 22.8)

Þú stígur mikið gæfuspor á næstunni og lífið virðist brosa við þér. Þú hefur nóg fyrir stafni og fátt angrar þig.

Hljómar bara þónokkuð vel.

Ég er svo búin að setja inn nokkrar nýjar myndir af húsinu okkar. Skoða myndir hér.

2007-04-07T17:59:00.000+10:00

G L E Ð I L E G A P Á S K A !!!
Frábært að fá 4 daga frí. Flest fólk borðar ekki kjöt á Fösudaginn langa. Ég verð nú samt að viðurkenna að ég fékk mér smá afganga af kjötrétti í hádeginu. Patrick harðneitar að borða kjöt á þessum degi enda er hann heilaþveginn kaþólikki þegar kemur að þessum sið. Við borðuðum nú svo fisk í kvöldmatinn. Ég sá samt eftir að hafa ekki keypt ferskan fisk í staðinn fyrir frosinn því hann var frekar vondur. Allaveganna...maður fær sér nú góðan mat á morgunn, páskadag og fullt af súkkulaði.

Svo erum við bara búin að vera að vinna í húsinu, mála og setja upp hillur. Klára að taka upp úr kössum. Ég er svo líka búin að vera á netinu að reyna að finna ódýr flug og hótel fyrir mig, Erlu og Tinnu í júní. Við munum fljúgu upp til Queensland, gista í Brisbane í 3 nætur og svo 7 nætur í Port Douglas (Cairns). Já það eru sem sagt akkúrat 2 mánuðir þangað til stelpurnar leggja af stað í flug til Ástralíu :)

2007-03-31T20:14:00.000+10:00

Páskahérinn komst ekki alla leið þetta árið...

Ég trúi ekki að það séu að koma páskar. Jólin eru bara nýbúin. Það verður nú samt gott að fá 4 daga frí...já hér er skírdagur ekki frídagur, þannig að það er bara 4 daga frí. Það er svo sem ekkert sérstakt planað fyrir páskana. Verðum sennilega bara að dunda okkur eitthvað í húsinu.
Við gistum í Dunnstown í gærkvöldi, hjá Maureen. Hún er komin heim og það skiptast allir á að vera hjá henni. Við erum svo að fara til Melbourne á morgunn. Það er blóma og garðyrkjusýning þar sem við ætlum að kíkja á. Svo ætlum við að kíkja í búðir og enda á að fara í IKEA. Okkur vantar hillur í eldhúsið og fataskáp.
Annars er byrjað að hausta í Ballarat. Trén eru rétt að byrja að skipta um lit og næturnar eru orðnar frekar kaldar. Húsið okkar er þónokkuð hlýtt, sérstaklega þar sem að við erum með góðan hitara í stofunni sem hitar líka eldhúsið og bæði svefnhergin. Baðherbergið og klósettið eru einu virkilega köldu herbergin.

2007-03-25T22:30:00.000+10:00

Já svo áttum við brúðkaupsafmæli á föstudaginn, 23.mars. 5 ár!!!! Hver hefði trúað því. Heil 5 ár!

2007-03-25T11:15:00.000+10:00

Þá erum við flutt inn. Við erum reyndar búin að vera í nýja húsinu í viku og höfum bara haft það mjög gott. Við höfum ekki orðið vör við að neitt rosalegt sé að húsinu, sem að er gott. Reyndar var smá gasleki í eldhúsinu. Galhellurnar láku. Þessar hellur eru eldgamlar og við erum að fara að kaupa nýjar hellur. Ofninn er alveg nýr en af einhverjum ástæðum þá hafa bara verið setta gamlar hellur sem að er ekki sniðugt þegar þetta eru gashellur. Gasið í hellunum var sem sagt tekið úr sambandi þannig að við erum búin að vera hellulaus í nokkra daga.
Svo held ég reyndar að það verði frekar kalt hérna í vetur. Maður finnur trekkinn í gegnum húsið. Það er þónokkuð um litlar rifur hér og þar. Stelpur, munið eftir ullarsokkunum þegar þið komið....
Annars er þetta bara þónokkuð gott og við mjög ánægð með húsið.

Ég var að horfa á 'tónlistamyndbönd' í sjónvarpinu. Sá nýja myndbandið með Take That. Mér fannst þetta myndband nú eitthvað viðkunnalegt. Fannst mér kannast eitthvað við landslagið. Já var það þá ekki myndað á Íslandi. Liggur við að annað hvert myndband sé myndað þar núna. Fer fólk ekki bráðum að fá leið á hrauni og hverum í sjónvarpinu....hehehe. Annars finnst mér þetta frekar glatað af Take That, að byrja aftur eftir 10 ár. Núna eru þeir ekki lengur "Boy Band" heldur "Man Band". Þeir hljóta að hafa orðnir uppiskroppa með pening. Gvuð hvað Robbie Williams hlýtur að hafa verið feginn að hafa hætt.

Svo er annað..... er einhver að skilja hvað er að gerast í Heroes? Ég er orðin húkt á þessa þætti en ég er að vona að þeir fari ekki bara í hringi eins og Lost. Ég verð að viðurkenna að ég er að verða svoldið þreytt á Lost. Maður er ekki að komast að neinu með þessa þætti. Svo er náttúrulega Desperate Housewifes sem eru algjör snilld. Engar rosa ráðgátur þar.

Jæja, við erum víst að fara og kaupa nýjar hellur í eldhúsið. Ég set bráðum inn fleiri myndir af húsinu.

2007-03-10T21:41:00.001+11:00

Þá er allt frágengið í sambandi við húsið nema að við fáum afhenta lyklana á miðvikudaginn.
Við munum svo flytja all dótið okkar um næstu helgi. Við erum sem sagt bara að pakka niður í kassa um þessa helgi. Það er búið að vera smá stress í þessari viku þar sem við þurftum að taka okkur smá frí í vinnunni og elta alskonar pappíra. Þurftum að skrifa undir allskonar pappíra frá bankanum og fasteingasalanum. Svo þurftum við að redda okkur húsnæðistryggingu. Þetta er allt komið núna þannig að við bíðum núna bara eftir "Settlement Day" sem að er dagurinn þar sem okkar lögfræðingur, lögfræðingur seljandans og bankinn hittast og skipta á peningum og pappírum. Þegar það er búið getum við sótt lyklana á fasteignasöluna.

Það er eitt sem ég mun sko ekki sakna frá því að búa hér. Það er að búa við hliðina á fólkinu frá Nepal. Ekki að ég hafi neitt á móti fólki frá Nepal, en matarlyktin sem að kemur þaðan á hverjum degi er alveg ferleg. Það er líka alltaf eins lykt. Þau hljóta að borða sama matinn á hverjum degi. Þau borða síðan ekki kvöldmat fyrr en um 10 á kvöldin þannig að þegar við erum að fara að sofa þá kemur þessi rosa lykt inn. Lyktin berst í gegnum vifturnar í baðherberginu. Annars er þetta nú svo sem alveg ágætis fólk. Manish fór heim til Nepals í nokkrar vikur og kom heim um daginn. Hann fór heim til að gifta sig. Eiginkonan kemur svo til Ástralíu í fyrsta sinn í næstu viku. Manish kom með gjöf handa mér frá Nepal. Þetta var stytta af einum Hindúa guðunum þeirra. Veit ekki hvað hann heitir. Þetta er guð með fílshöfuð. Styttan er svo sem alveg fín en Manish er skrýtinn.

Talandi um skrýtið fólk þá var Justin frá IBM að halda upp á afmælið hjá sér í kvöld og ég vissi að hann myndi sko bjóða mér. Ég var sem sagt tilbúin með afsökun. Sagði að Patrick og ég værum að fara til Melbourne í trúlofunarpartý. Er ég vond? Ég hef farið í tvö partý hjá honum og það var ekki mjög gaman. Hann á enga vini. Í alvörunni, er ég vond?

Ég fór á Dominos í gærkvöldi og pantaði 2 pizzur. Maður pantar pizzurnar og svo spyrja þeir um nafnið manns og setja nafnið upp á tölvuskjá þannig að maður getur séð hvað maður þarf að bíða lengi og hvenær pizzurnar eru tilbúnar. Þegar ég var búin að panta þá segir strákurinn. Þú heitir Olga er það ekki? Ég fór að hugsa.... bíddu nú við, ég kaupi nú stundum Dominos, en ég kem nú ekki það oft hingað að starfsfólkið ætti að muna nafnið mitt......ég var viss um að ég þekkti sko ekki þennan strák.... þannig að ég sagði: "Hvernig vissuru að ég heiti Olga?" ....hann sagði: Það stendur á nafnspjaldinu þínu..... Dahhhh ég var þá náttúrulega nýkomin úr vinnunni og var ennþá með nafnspjaldið á mér.

2007-02-23T11:05:00.000+11:00

Já þá er bankinn búinn að samþykkja lánið hjá okkur, reynar með því skilyrði að fasteignamatið verði í lagi. Við erum nú samt nokkuð örugg að það verði í lagi. Þannig að það lítur út fyrir að við séum að fara að flytja. Ættum að fá húsið afhent um miðjan mars! :)

Hér eru fleiri myndir af húsinu, sem er á síðu fasteignasölunnar.

Þetta er sem sagt stofan og þar sem að er gengið inn í húsið.

Eldhúsið.

Staðið á veröndinni og horft up götuna.

Hægt að kíkja á lýsingu á húsinu hérna líka: Jens Gaunt Real Estate
Ég set nú svo fleiri myndir þegar við erum flutt.

Það er ekki mikið annað að frétta nema bara HEITT HEITT. Það er búið að vera steikjandi hiti í 2 vikur núna, non stop. Maður er alveg komin með nóg. Yfirleitt fær maður nefnilega dag hér og þar sem að er kaldari. Það á reyndar eitthvað að kólna um helgina. Það var svo heitt síðustu helgi að maður gat ekki einu sinni verið utandyra. Maður sefur heldur ekkert sérstaklega vel í svona heitu veðri.

2007-02-17T17:28:00.000+11:00

Ok við erum enn að bíða eftir að fá að vita með húsið. Tilboðinu okkar var tekið en nú erum við bara að bíða eftir að bankinn samþykki lánið okkar. Við ættum að vita það á mánudaginn. Það eru smá líkur á að við fáum ekki lán af því að við höfum bæði verið í lausráðnum vinnum og það er bara um ár síðan við komum aftur til landsins. Við erum sem sagt ekki með skattaskýrslur fyrir 2005, nema jú frá Íslandi, en þær eru nú varla teknar gildar þar sem enginn getur lesið þær... haha. Það er þó enginn skaði ef við fáum ekki lánið. Við getum þá bara safnað meiri pening :)

Annars er bara önnur hitabylgja hér um helgina. 40 stiga hiti í dag og á morgunn. Maður situr bara inni. Það er of heitt til að gera neitt utandyra.

Svo hef ég tekið eftir því að sjónvarpsdagskráin er hægt og sígandi að verða betri. Núna eru aftur byrjaðir: Desperate Housewifes, Lost, Grey's Anatomy, and House. Svo hef ég líka tekið eftir nýjum þáttum, eins og: Heroes, Ugly Betty og Brothers & Sisters. Það er svo allt yfirfullt af "Gameshows" hérna. Veit ekki hvaða alda það er. Allt svona einhvernskonar Viltu vinna milljón þættir. Svo er þáttur hérna sem er rosa vinsæll og heitir "The Biggest Loser". Þessi þáttur er um fólk sem að er of feitt og keppir um að missa sem flest kílóin. Já allt er nú til. Já þegar fer að kólna þá fer maður að verða húkt á þessa þætti...... reyndar er ég núþegar húkt á Lost og Desperate Housewifes.

Jæja, ég ætla að fara að búa til kjúklingasalat. Við versluðum í matinn í morgunn og keyptum grillaðn kjúkling því það er of heitt til að elda neitt. Þetta er samt alveg frábært veður fyrir þvotta. Ég er búin að þvo 4 vélar :) ..... ssshhh, ég veit að það er vatnskortur hérna, en maður má nú samt ennþá þvo þvott.

2007-02-11T18:48:00.000+11:00

Já þá erum við búin að setja inn tilboð í hús hér í Ballarat. Við höfum verið svona aðeins að kíkja í kringum okkur og sjá hvað er í boði. Við sáum svo þetta litla krúttlega hús á frábærum stað í Ballarat og á mjög góðu verði. Sett verð á húsið er $155.000 plús. Okkar tilboð var $156.000. Við vitum ekki enn hvort að því verður tekið eða ekki. Ættum að komast af því á morgunn. $156.000 eru svona sirka 7.5 milljónir króna. Þetta er reyndar mjög lítið hús. 2 lítil svefnherbergi og húsið er aðeins 50m2. Það er samt hægt að bygga við það að aftan. Húsið er sirka 100 ára gamalt en alveg í ágætu standi. Nýbúið að skipta um þak á því og laga grunninn, sem að eru úr timbri. Við verðum bara að sjá til hvað gerist á morgunn.

Svona var vikan sem leið:
Fór út að borða með Lucy, Christie, Mick, Brad og Steve á þriðjudagsvöldinu. Lucy er að flytja til "The Sunshine Coast" upp í Queensland. Hún og kærasti hennar Nathan eru bæði að fara í háskóla þar. Lucy ætlar að læra að verða ljósmóðir.
Okkur var svo boðið í mat hjá Christine (systur hans Patricks) á miðvikudeginum. Christine var að kaupa sér fartölvu og prentara/skanna. Ég setti upp ADSL tenginguna hjá henni og prentarann. Tengdó var líka í mat hjá henni. Hún var nú samt frekar slöpp. Daginn eftir var hún flutt aftur á sjúkrahús. Hún var þá komin með þvagsýkingu sem að þýðir að hún var rosa slöpp og ringluð. Við heimsóttum hana í gær og hún er orðin betri núna.
Við fórum svo að skoða húsið (sem við gerðum svo tilboð í) á fimmtudagskvöldinu, og svo aftur á föstudeginum. Bróðir hans Patricks sem að er rafvirki kom með okkur þá og skoðaði lagnirnar í húsinu.
Steve frá IBM var með kveðjudrykki á föstudagskvöldinu. Hann er hættur hjá IBM, fékk vinnu hjá verkfræðifyrirtæki. Ég, Christie, Mick og Brad hittumst hjá mér í fordrykki og fórum svo á pöbbinn sem heitir "Black Rhino". Ég ákvað nú samt að vera svoldið skynsöm og þegar flestir fóru í bæinn á meira djamm, þá ákvað ég að fara heim.
Við tókum því nú svo bara rólega í gær. Patrick fór reyndar í atvinnuviðtal í Daylesford. Hann er sem sagt kominn með vinnu þar. Hann mun sjá um garðinn í gömlu klaustri sem að nú er listasafn, með verslun og veitingastað. Þetta er mjög vinsæll túristastaður. Hann mun sem sagt skipta vikunni í tvennt. 2 daga hjá "Ballrarat and Clarendon College" og svo 3 daga hjá "The Convent Gallery". Hann ætlar svo líka að halda áfram að sjá um garð fyrir konu annan hvern laugardag. Þannig að það er nóg að gera hjá honum. Svo er ég náttúrulega orðin fastráðin hjá IBM en ég er svona frekar pirruð á launadeildinni eins og er. Við vorum nokkur sem að fengum fastráðnar stöður og engin af okkur hefur fengið borgað. Launadeildin klúðraði einhverjum pappírum þannig að IBM skuldar okkur núna 4 vikur. Við fáum nefnilega borgað á tveggja vikna fresti, ekki mánaðarlega. Þetta er frekar pirrandi, sérstaklega ef að við kaupum þetta hús. Þá þurfum við allan þann pening sem við getum útvegað.
En, jæja þá er önnur vinnuvika að byrja. Patrick eldaði rosa góða nautasteik handa okkur í kvöld, en í staðinn þá þarf ég að horfa á Cricket í sjónvarpinu. Reyndar er ég ekki beint að horfa á þetta enda finnst mér þetta alveg glötuð íþrótt. Ég er bara að tölvast á meðan Patrick glápir á kalla kasta bolta á meðan annar kall reynir að hitta hann með kylfu (það er að segja boltann, ekki kallinn).

2007-02-04T16:51:00.000+11:00

Ég horfði á þessa skemmtilegu mynd á föstudagskvöldið. Þetta er áströlsk mynd og heitir "Kenny" og fjallar um kósetkallinn Kenny. Starfið hans er frekar illa lyktandi. Hann vinnur aðallega við að setja upp og viðhalda kömrum á stórum samkomum/hátíðum. Myndin er náttúrulega full af kúka-og prumpubröndurum. Mér fannst þetta alveg skíthlægileg mynd.

Það er búið að vera steikjandi hiti alla helgina. Ég ætlaði að reyna að taka skápinn í gegn, sem ég er að reyna að gera upp útí bílskúr, en það var allt of heitt til þess. Ég mun setja inn "before and after" myndir af skápnum, ef ég klára hann einhvern tímann.

Í gær fórum við reyndar í smá bíltúr. Við fórum á svona sveitabæjar-uppboð. Þessi uppboð eru mjög vinsæl hérna. Þau eru þegar fólk selur sveitabæ og er að reyna að losa sig við allt draslið sem var á bænum. Þá meina ég allt milli himins og jarðar, traktora, orf og ljá, girðingastaura, verkfæri, húsgögn, húsmuni og dýr. Þetta er sem sagt allt boðið upp. Sumt fer ekki á nema kannski 500 kall, annað er mun dýrara. Þetta er náttúrulega mun betra en að fara bara með allt draslið á haugana. Þarna getur fólk grætt smá pening. Við keyptum samt ekkert á þessu uppboði, það var samt alveg þónokkuð af gömlum verkfærum og vélum sem maður hefði alveg viljað eiga.
Við keyrðum svo bara í lítinn bæ sem heitir Trentham og borðuðum hádegismat. Komum heim í kvöldmat. Ég bjó til Spaghetti Bolognese og við drukkum bjór á meðan við hlustuðum á Lay Low og Emiliu Torrini. Já svona var Laugardagurinn hjá okkur.

Aftur heitt í dag, sunnudag. Við versluðum samt í matinn áður en það varð of heitt í morgunn. Ég keypti mér svo meiri málningu og striga. Fór svo að mála. Ég held ég sé nú engin rosaleg listamanneska. Allaveganna kann ég ekkert að mála. Ég held ég hafi sett meiri málningu á sjálfa mig heldur en á strigann. Það er svo rosalega erfitt að ná þessari málningu af. Þetta er olíumálning og það er alveg sama hvað maður skrúbbar, hún fer ekki af. Við erum að fara á eftir að horfa á fótboltaleik heima hjá vini hans Patricks sem heitir Anthony (Clown). Ég verð að fara í síðbuxur held ég þar sem að fótleggirnir á mér eru mest rauðir og gulir. Ég málaði nefnilega í stuttbuxum. Reyndar eru handleggirnir á mér eins og það sé eitthvað að mér. Þeir eru líka allir rauðflekkóttir.

2007-01-28T20:02:00.000+11:00

Hér eru nokkrar myndir frá Ástralíudegi.

Við fórum til Melbourne. Þar var skrúðganga í miðbænun og allt troðfullt af fólki. Stemningin var ekkert ólík 17.júní. Fólk veifandi fánum og svo var meira að segja fornbílasýning. Við kíktum svo aðeins í búðir. Við enduðum síðan á ströndinni í Albert Park. Þegar við komum aftur til Ballarats þá var komið að flugeldasýningu.
Þó við höfum verið í Melbourne þá fórum við ekki að sjá Tennismótið sem er í gangi (Opna ástralska meistamótið í Tennis). Tennis er rosa vinsælt hérna. Sérstaklega þegar mótið er í gangi. Það virðast allir fá Tennis-æði. Ekki ég. Ég viðurkenn samt að ég hef verið að fylgjast með mótinu og ég veit nöfnin á aðal tennis splilurunum. Td var það Serena Williams sem vann í konuflokki. Ég er að horfa á Roger Federer og Fernando Gonzalez spila núna. Ég held með Gonzalez, af því að flestir aðrir halda með Federer.
Annars erum við ekki búin að gera mikið um helgina. Ég er búin að vera að reyna að gera upp gamlan borðstofuskáp sem við fundum í skúrnum hjá Maureen. Veit ekki hvernig hann verður. Þetta er bara svona prufa. Skápurinn er frekar illa farinn þannig að hann verður varla verri en hann er.

2007-01-23T20:09:00.000+11:00

Hvað gerist á Ástralíudegi? Það gerist nú ekkert rosalega mikið. Þetta er svona nokkurnkonar þjóðhátíðardagur Ástrala, nema Ástralía er náttúrulega ekki sjálfstæð þjóð. Það eru tónleikar og íþróttaleikir, svo er þetta líka eini dagurinn sem að fólk getur fengið ríkisborgararétt. Það eru því samkomur í hverjum bæ þar sem fólk sver þann óð að fylgja áströlskum hugmyndafræðum.
Hvað erum við að plana að gera á Ástralíudegi? Við ætlum að fara á ströndina.

Við erum svo orðin bændur. Við keyptum 8 kvígur í síðustu viku. Við erum að vonast til þess að þær muni stækka og fitna helling. Við munum svo selja þær þegar þær eru orðnar stórar og myndarlegar. Þá verða þær sendar beint í matvöruverslanirnar.... eða þannig.

2007-01-20T15:41:00.000+11:00

Fengum fréttir um daginn að Toni, systir hans Patricks sem býr í London, á von á barni. Hún er gift Suður-Afrískum manni, Carel og þau eiga von á litlu kríli í endaðan maí. Patrick er viss um að það verði á afmælinu sínu 26.maí. Það eru náttúrlega allir að deyja úr spenningi hérna. Margie (önnur systir Patricks) er byrjuð af safna fyrir London ferð.

Annars eru líka aðrar fréttir að Maurenn, tengdó, er búin að vera hálf veik síðustu vikurnar. Hún er á nokkurskonar heimili fyrir aldraða núna og læknarnir eru búnir að greina hana með Geðsveiflueinkenni (Bipolar disorder). Fyrir þá sem ekki vita þá þurfti hún að fara í heilaskurðsaðgerð fyrir næstum 2 árum eftir að hafa dottið og lent á höfðinu. Þetta þýðir að heilinn er afar viðkvæmur fyrir öllu og má varla við kvefi. Hún hefur það svo sem alveg ágætt en hefur öll einkenni geðsveiflu. Hún er á lyfjum þannig að það er vonandi að þau virki.

Við ætlum bara að taka því rólega þessa helgi. Það er spáð rigningu alla helgina, sem er náttúrulega alveg frábært. Það er búið að rigna í allan dag. Það er samt um 30 stiga hiti sem þýðir að það er rosalegur raki í loftinu. Rosa Tropical eitthvað.
Við vorum að hugsa að fara til Melbourne á morgunn en ég held við förum ekki í þessari rigningu. Förum frekar um næstu helgi, sem að er löng helgi. Ástralíudagur á föstudeginum :)
Við skreppum sennilega bara á pöbb í kvöld með David og kannski einhverjum fleirum.

2007-01-13T10:44:00.000+11:00

Ég er orðin húkt! Þetta er allt Öldunni að kenna. Hún setti link á Skissu inná bloggið hjá sér og ég álpaðist inn á þetta. Núna get ég ekki hætt að teikna. Ég þarf hjálp!

2007-01-10T16:44:00.000+11:00

Ég uppgötvaði í dag að ég verð að fara að fá mér bíl. Ég ákvað að fara snemma úr vinnunni, reyndar bara hálftíma fyrr. Fer út í strætóskýli. Nei, þá gengur strætó ekki nema á hálftíma fresti afþví að það er sumarfrí í öllum skólum og ég var rétt búin að missa af honum. Þurfti sem sagt að bíða útí strætóskýli í hálftíma í staðinn fyrir að vinna bara til 4 eins og vanter. Ég gat nú samt hinsvegar notið góðra veðriðsins 36 stiga hiti í dag. Þegar ég kom heim leit ég samt út fyrir að hafa brunnið í andlitinu. Það kæmi ekki á óvart.

Helgarplön: Ég lofaði Brad, sem að vinnur með mér, að kíkja á hljómsveitina hans annað kvöld. Þannig að ég skrepp sennilega á pöbb sem heitir Korova Lounge. Var að hugsa um að taka með mér risa ömmu nærbuxur og henda í hann upp á sviðið. he he.
Mér er svo boðið í afmæli á föstudaginn. Þetta er annað afmælið sem mér er boðið í á þessu ári og ég fer í hvorugt afmælið. Það rann upp fyrir mér um daginn að nú er komið árið 2007 sem þýðir að ég verð 28 ára á þessu ári. Ég er að verða allt of gömul í að standa í þessu djammi. Þannig ég ætla ekki að mæta í þetta afmæli. Þetta er nú heldur ekki hjá neinum sem ég þekki eitthvað geðveikt vel, bara stelpu í vinnunni.
Á sunnudaginn ætlum við svo að keyra til Daylesford og kíkja á Lavender hátíð (Lofnarblóma-hátíð) og svo á útimarkaðinn í Daylesford. Það hljómar miklu betur fyrir okkur gamlingjana heldur en eitthvað unglinga-afmæli (hóstar nokkrum sinnum og hrækir í hrákdall)
Í kvöld ætla ég nú bara að glápa á imbann. Var að fatta að ég missti af OC í gær.... (snökt)

2007-01-06T14:25:00.000+11:00

Ég sit hér við tölvuna í hitanum kófsveitt. Hef samt ekki gert neitt í dag, jú nema að klára að taka niður jólaskrautið og þvo þvott. Þetta er frábær dagur fyrir þvotta þar sem þvotturinn þornar á hálfíma úti á snúrunum.
Það er búið að vera yfir 30 stiga hiti núna í 5 daga og húsið okkar er orðið frekar heitt. Ég sit sem sagt bara við tölvuna í dag, nenni ekki að hreyfa mig og bíð eftir að það fari að kólna. Það á að kólna seinna í dag og bara vera rétt rúmlega 20 stig á morgunn og mánudag. Ég sem sagt bara bíð núna eftir að geta opnað alla glugga og kælt húsið. Já svona er lífið hér þegar maður er ekki með loftkælingu.

Það er ekkert planað fyrir þessa fyrstu helgi ársins. Ætla bara að taka því rólega og liggja í leti. Húsið þarfnast nú samt smá hreingerningar en ég nenni sko ekki að standa í því fyrr en að það kólnar eitthvað.

Jæja þá er Patrick kominn heim úr vinnunni (hann var að vinnna í morgunn) og er byrjaður að búa til Súkkulaði-shake. Ég ætla sem sagt að fá mér shake með restinni af jólasmákökunum og liggja í leti.

2007-01-01T21:12:00.000+11:00

Gleðilegt Nýtt Ár 2007!!!!!

Nýársdagur í dag og við erum komin heim úr Nýárs-ferðinni okkar. Við áttum rosa góða helgi. Við fórum í lítinn strandarbæ sem heitir Port Fairy og er sirka 3 klst akstur héðan. Við gistum í 2 nætur í æðislega fínu "Bed & Breakfast" sem var alveg á ströndinni og var meira að segja með sína eigin einka strönd. Veðrið var líka alveg frábært. 30 stiga hiti og sól alla helgina. Það var fullt af fólki í bænum á Gamlársdag, aðallega túristar eins og við. Við fórum út að borða um 8 leytið. Við löbbuðum á veitingastaðinn og sáum byrjunina á skrúðgöngu sem fór um bæinn. Eftir matinn röltum við svo í miðbæinn. Þar voru útitónleikar á fullu. Skosk hljómsveit spilaði þar. Við skemmtum okkur frábærlega. Síðan hætti hljómsveitin að spila nokkrum sekúndum fyrir miðnætti og allir töldu niður...5,4,3,2,1 HAPPY NEW YEAR! Flugeldasýningin byrjaði akkúrat á slaginu. Þetta var rosa fín sýning miðað við að þetta var nú bara í smábæ. Mér fannst þetta bara vera alveg jafn flott og í Melbourne. Við skemmtum okkur sem sagt frábærlega á Gamlárskvöld. Reyndar var öll helgin mjög góð. Við lágum bara á ströndinni, sátum á kaffihúsum, fórum út að borða, löbbuðum upp á gamlt eldfjall og skoðuðum í antiquebúðum (ég keypti mér litla könnu, bolla og undirskál). Ég setti inn nokkrar myndir frá Port Fairy inn á Myndasíðuna hjá mér.

Þegar við vorum rétt komin til Ballarat í dag þá byrjaði að rigna og það hefur ekki stoppað síðan. Það eru búið að vera alveg brjálað þrumuveður og það er sko eins og það hafi verið hellt úr heillri sundlaug. Patrick þurfti að taka járnðgrindina af holræsinu á veröndinni hjá okkur því það hafði ekki við og við sáum framá að það myndi flæða inní eldhús hjá okkur þó að það séu allaveganna 10 sm uppí hurðina hjá okkur. Okkur tókst nú samt að bjarga þessu þannig að við ættum að geta sofið rólega. Þetta er nú samt ábyggilega besta Nýarsgjöf sem Ballarat og Victoria gátu fengið. Helliregn!

Jæja, ég vona að það hafi allir átt það gott á Gamlárskvöld og að Árið 2007 færi öllum góðar stundir :)

2006-12-28T16:52:00.000+11:00

Við erum bara búin að hafa það mjög gott um jólin. Ég er farin aftur að vinna samt núna. Patrick er enn í fríi. Við ætlum svo að láta okkur hverfa yfir nýja árið. Það er að segja, við leggjum af stað héðan 30. des og komum ekki aftur fyrr en seint á 1.jan. Ég veit ekki enn hvert við erum að fara. Veit bara að það tekur um 3 klst að keyra þangað. Það er annars bara spáð góðu veðri yfir áramótin. Eitthvað annað en á jólunum. Þettu voru köldustu jólin hér í einhverja áratugi. Það var meira að segja smá slydda á jóladag. Ég fór næstum því að gráta :) Það snjóaði svo víst uppá hálendinu. Fólk trúði ekki sínum eigin augum. Snjór á jólunum! Myndin hér fyrir ofan er af slökkvuliðsfólki á jólunum. Það snjóaði þar sem skógareldarnir miklu voru hinu megin við Melbourne. Veðrið á svo að vera komið aftur í normið um helgina. Verður um 30 stiga hiti og sól.

Takk fyrir jólakortin allir. Við verðum í bandi á nýja árinu.

2006-12-23T10:45:00.000+11:00

Þá eru bara alveg að koma jól!
Við erum að fara í dag og kaupa síðustu jólagjafirnar. Eigum eftir að kaupa 3 gjafir og svo ætlum við að reyna að finna sjónvarp og dvd spilara handa okkur :)

Það eru flestar búðirnar hér opnar til miðnættis í dag og á morgunn.

Svona eru jólin...... í Ástralíu:

Jólin eru ekki næstum því eins hátíðleg og á Íslandi. Fólk er ekki beint að undirbúa jólin með margra vikna fyrirvara. Jólasiðirnir eru náttúrulega samt mismunandi á milli fjölskyldna.
Flestir eyða aðfangadegi í búðum, svona eins og þorláksmessa á Íslandi.
Það fara svo margir á jólatónleika á aðfangadagskvöld (Christmas Carols) eða horfa á Jólatónleikana í Melbourne, sem eru stæðstu tónleikarnir.
Flest ungt fólk fer á djammið á aðfangadagskvöld. Þetta er sennilega mesta djammkvöld ársins fyrir utan gamlárskvöld. Frekar sorglegt finnst mér.
Jóladagur er svo aðal hátíðisdagurinn. Krakkarnir vakna fyrir allar aldir og vilja fara að opna pakkana frá jólasveininum. Krakkar fá yfirleitt ekki pakka frá foreldrum sínum, heldur eru allir pakkarnir frá jólasveininum.
Síðan kemur öll fjölskyldan saman í hádegismat á jóladag. Fólk skiptir deginum oft í tvennt. Fer í mat til annarrar fjölskyldunnar í hádeginu og svo til hinnar í kvöldmat.
Yfirleitt er jóladagur sólríkur og heitur og fólk er létt klætt. Það eru ekki margir sem klæða sig í nein spariföt, allavega eru engir karlmenn í jakkafötum. Dagurinn fer svo yfirleitt í að borða kalkún, skinku og annarskonar mat. Sumir eru með sjávarmat. Svo er drukkið allandaginn. Já Ástralir drekka bjór og vín allan daginn. Það er náttúrulega ekki til sú fjölskylduskemmtun þar sem að ekki er drukkið áfengi hér í Ástralíu. Fólk reynir nú samt að hafa smá hemil á sér á jóladag og það eru ekki margir sem að verða neitt fullir. Svo fara krakkarnir út og eitthvað af karlfólkinu líka að spila Cricket.
Annar í jólum fer oft í að bara ná sér eftir jóladaginn. Margir koma saman í hádegismat og borða og drekka enn meira.
Þriðja í jólum má segja að jólin séu búin. Sumir taka meira að segja niður jólaskrautið. Sérstaklega þeir sem settu upp jólatréð 1.des.

Já hátíðarstemningin er svolítið öðruvísi hér en á Íslandi. Ég held líka að jólin séu ekki tekin jafn alvarlega neins staðar eins og á Íslandi. Enda eru jólin á dimmasta tíma ársins og Íslendingar þurfa á jólunum að halda. Hér var lengsti dagur ársins fyrir 2 dögum og búið að vera strandarveður síðustu 2 vikurnar. Fólk vill bara skemmta sér og njóta sólarblíðuna.

Hjá okkur byrja jólin klukkan 6 á aðfangadagskvöld. Ég elda lambasteik með brúnuðum kartöflum. Við munum svo opna pakkana okkar á eftir matinn. Svo passar að horfa á jólatónleikana eftir það allt saman og borða nóa & siríus jólakonfektið sem mamma sendi okkur og drekka kók (ekki bjór). Það er samt hálf skrítið að borða jólamatinn klukkan 6 þegar það er enn hábjart. Það verður ekki dimmt fyrr en klukkan 9. Maður dregur bara fyrir gluggana. Það eiga svo líka að vera köld jól í ár. Það er bara spáð rigningu og vosbúð. Það á bara að fara uppí 14 stiga hiti á jóladag og það er meira að segja spáð snjókomu í fjöllum hinu megin við Melbourne þar sem að skógareldarnir voru. Það finnst öllum þetta náttúrulega alveg ömurlegt. Köld jól! (þó að það séu allir glaðir yfir því að fá regn). Mér finnst þetta alveg frábært. Því ömurlegra sem veðrið verður því ánægðari verð ég. Ég mun hoppa af kæti ef við fáum slyddu!!!! hahaha....

Jæja, ég vil bara óska öllum Gleðilegra Jóla. Vona að þið hafið það öllsömul gott og ekki borða yfir ykkur :) Ég mun pottþétt borða yfir mig.

2006-12-17T16:36:00.000+11:00

Pottþétt ekkert meira djamm fyrir mig 2006.

Við fengum litla kanínu um helgina. Hún er úti í garði. Claire, systir hans Patricks, ætlar að gefa börnunum sínum (Amelia 5 og William 2) kanínu í jólagjöf. Við erum sem sagt bara að passa hana í viku. Vonum bara að hún deyji ekki. Ég er með smá áhyggjur af henni þar sem að hitinn á að fara uppí 36 stiga hita seinna í vikunni. Veit ekki hvað þetta kríli þolir.

Annars var ég svo að bara piparkökur og súkkulaðibita-smákökur í dag. Var með íslensk jólalög á fullu. Ábyggilega að gera nágranana brjálaða. Annars er svoldið fyndið að vera að jólastússast í stuttubuxum. Svo þegar smákökurnar eru tilbúnar sest maður út í bikini og borðar piparkökur og drekkur appelsínusafa. Ég skreytti svo líka jólatréð okkar. Í Ástralíu eru öll lifandi jólatré furutré. Mig langaði ekki í furutré. Finnst þau ekkert rosa jólaleg. Við ákváðum þá að kaupa lifandi norskt grenitré í potti. Þetta er náttúrulega pínulítið tré en það mun vonandi lifa nokkur jól og stækka með hverju árinu sem þýðir að maður getur keypt aðeins meira jólaskraut á hverju ári. Grenitré vaxa frekar hægt hér út af hitanum þannig að þetta gæti virkað mjög vel.

Svo er náttúrulega bara normal vinnuvika hérna þessa vikuna. Svo 4 daga löng helgi og svo 3 daga frí um ármótin. Ég ætla ekki að taka mér neina extra frí daga þar sem að það verður örugglega mjög rólegt hvort sem er. Patrick og ég erum reyndar að plana að fara í burtu um áramótin. Gista einhver staðar í eina eða tvær nætur. Patrick ætlar að sjá um þetta og koma mér á óvart hvert við förum :)

2006-12-14T18:51:00.000+11:00

Reykur og meiri reykur. Maður sá varla lengra en 100 metra hérna í gær. Sá myndir frá skógareldunum hér í fréttunum og það var myrkur hinum megin við Melbourne í allan dag. Það er svo þykkur reykurinn þar að það var eins og það væri miðnótt um miðjan daginn.

Er svo að fara í næsta jólapartý annað kvöld. Annað IBM partý. Ég var nú ekkert það spennt í að fara en ég var töluð til og mun mæta í nýjum kjól og alles. Við hittumst nokkur fyrir partýið og fáum okkur fordrykk heima hjá mér.

Ég og Patrick vorum svo að pæla í að fara til Melbourne á sunnudeginum en er ekki viss hvort við förum. Okkur langaði að kíkja aðeins á ströndina þar en það er kannski best að vera bara heima af því að það mun kannski ekki sjást til sólar fyrir reyk.

Ég ætla nú svo líka að reyna að komast í jólaskap og kaupa lítið jólatré og baka piparkökur. Setja jólalög á spilarann og kveikja á kerti.

2006-12-10T12:58:00.000+11:00

Partý og Skógareldar.
Já það er víst þema helgarinnar. Það er búið að vera steikjandi hiti. Næstum 40 stiga hiti alla helgina og það eru miklir skógareldar hinu megin við Melbourne. Þeir eru um 300km frá Ballarat en það var samt þykkur reykur yfir Ballarat frá þeim í gær. Það er víst næstum ólíft í Melbourne. Reykskynjarar fóru í gang út um allt. Það þurfti að fresta flugi og ég veit ekki hvað. Heyrði áðan að eldurinn næði yfir meira en 250.000 hektara, sem að ég held að sé svona 10 sinnum stærra svæði en Reykjavík. Það á nú svo að kólna eitthvað í kvöld og svo á morgun bara að fara upp í 20-22 stiga hita en ég veit ekki hvort það á að rigna eða ekki.

Annars fór ég í IBM jólapartýið á föstudagsvöldið. Það var djammað fram á nótt. Gerði nú svo lítið í gær, enda næstum 40 stiga hiti úti. Kíktum aðeins í heimsókn til Maureen.
Það er enn heitt úti í dag, en við erum svo á leið í annað jólapartý á eftir. David vinur hans Patricks rekur hesthús og keyrir trott hesta á veðreiðum. Hann heldur sem sagt jólapartý fyrir sitt starfsfólk og vini. Þetta verður á írskum pöbbi sem heitir Irish Murphys. Já David heitir náttúrlega David Murphy líka....haha. Mér líst nú samt ekkert á að hafa þetta á sunnudegi. Partýið burjar nú samt um 2 leytið svo maður ætti að vera komin heim snemma....vonandi.

Síðan á að vera annað jólapartý næsta föstudag í vinnunni. Veit ekki alveg hvort ég meika að fara. Verð að viðurkenna að ég nenni varla að fara, þó að það hafir verið geðveikt fjör í hinu parýinu. Ég væri alveg til í að skreppa niður á strönd um helgina.

Best að fara að gera sig tilbúin fyrir næsta partý...... já þetta er eftitt líf hérna í Ballarat.....

2006-12-06T19:40:00.000+11:00

Ég á frí í vinnunni á morgunn :) Ég ákvað að taka mér frídag áður en ég byrja í nýju starfi. Þannig að ég pantaði mér tíma í klippingu og svo ætla ég að reyna að finna mér ný föt fyrir jólaballið á föstudaginn. Þetta ætti að verða rosa partý. Það ætla allir að mæta og fara á svaka djamm. Ég held að það sé búið að selja um 400 miða. Síðan á víst að vera annað jólaball hjá IBM á föstudaginn eftir. Það verður bara fyrir þá sem vinna fyrir Westpac banka. Veit ekki enn hvort ég fer á það líka. Ég ætla að sjá til hvernig ég verð eftir fyrsta ballið. Ég verð að muna að taka með mér myndavél ;)

2006-12-03T16:30:00.000+11:00

Fyrsti í aðventu í dag. Ég var næstum búin að gleyma því, enda eru ekki margir sem halda upp á aðventuna hérna. Ég setti nú samt upp aðventuljós í dag :)

Ég fór ásamt öðrum IBM-örum á Trivia kvöld á föstudagskvöldið. Okkar lið var í 3.sæti.
Svo var mér boðið fullt starf hjá IBM á föstudeginum. Hingað til hef ég bara verið lausamanneskja sem vinnur fullan vinnutíma. Þetta þýðir sem sagt stærri launapakka og núna fæ ég líka borgaða frí og veikindadaga. Þetta þýðir einnig að ég losna frá símanum eitthvað líka. Verð meira í að leysa tölvu og tækni mál sem að þarfnast frekari athugunar. Annars er búið að vera ágætt í vinnunni undanfarið. Ég er aðallega búin að vera að þjálfa nýtt fólk á símanum. Síðan er IBM jólaglöggið um næstu helgi. Það ætti að vera svaka djamm!

Ég og Patrick fórum í "Kolaportið" hérna í Ballarat í dag. Claire og Margie (systur hans Patricks) voru með bás þar að selja allskonar gamalt dót (drasl). Þær seldu nú samt alveg þónokkuð mikið. Við keyptum ekkert af þeim reyndar en við keyptum nú samt rauða rós í potti, vínberjaplöntu og cherry-tómatplöntu. Ég keypti mér nokkrar ilmsápur líka.

Já við tókum því sem sagt bara rólega um helgina sem var ágætt. Ég setti jólagjafir í póst, loksins, á laugardeginum. Vona að þær verði komnar í tæka tíð.

2006-11-27T17:05:00.000+11:00

Ég gleymdi að setja hér inn að U2 tónleikarnir sem við fórum á um síðustu helgi voru frábærir! Við vorum 8 sem tókum rútuna saman en svo vorum við 4 sem að vorum saman á gólfinu standandi. Við vorum nokkuð nálægt sviðinu í svona klukkutíma þangað til að bjórinn sem við höfðum drukkið fyrir tónleikana fór að segja til sín, það er að segja blaðran fór að segja til sín, og við þurftum virkilega að fara á klósettið. Já þurftum sem sagt að fara aftast. Það var nú samt alveg fínt því þar gat maður staðið ofan á sætum og sá yfir mannfjöldann. Við vorum svo ekki komin heim fyrr en að verða 2. Ég þurfti að vakna í vinnu klukkan 8 morguninn eftir. Maður var frekar úldinn. Ég gat nú svo reyndar farið heim klukkan 1, þannig að það var ekki það slæmt.

Svo var það þessi helgi. Gerði bara voða lítið. Keypti jólagjafir á laugardeginum. Er búin að kaupa allar gjafirnar sem ég þarf að senda nema handa pabba. Veit ekkert hvað ég á að gefa honum. Hvað er hægt að gefa föður sínum sem að hefur aðallega bara áhuga á flugvélum og mótorhjólum.
Patrick fór í jólaglögg í vinnunni hjá sér á föstudagskvöldinu og var frekar slappur á laugardeginum.

Hvað er svo planað fyrir þessa viku..... Ég, Lucy og Christie erum að reyna að plana að fara út að borða eitthvert kvöldið. Svo á föstudagskvöldið eru ég og Molly ásamt nokkrum öðrum IBM-örum að fara á Trivia kvöld. Já þá kemst maður af því hvort að öll sú viska sem maður lærði af því að spila Trivial Persuit kvöld eftir kvöld komi að einhverju gagni.

Síðan á bara að vera sól og hiti næstu dagana held ég. Það er eitt sem pirrar mig svolítið samt. Klukkan 4:30, þegar ég er komin heim úr vinnunni, þá er sólin akkúrat horfin af veröndinni hjá okkur. Ef maður vill sól þá verður maður að sitja fyrir framan húsið hjá okkur sem er nú ekki eins skemmtilegt. Sérstaklega þar sem ruslatunnurnar eru fyrir framan húsið líka. Maður verður bara að vona að fá eitthvað sólbaðsveður um helgarnar.

2006-11-23T19:05:00.000+11:00

sxsxsxsxsxsxsxsxsxsxsxsxsxsxsxsxsxsxsx

NO NEWS ARE GOOD NEWS!

ENGAR FRÉTTIR ERU GÓÐAR FRÉTTIR!

sxsxsxsxsxsxsxsxsxsxsxsxsxsxsxsxsxsxsx

2006-11-18T21:45:00.000+11:00

Ég hafði ekkert að gera þannig ég ákvað að reyna að breyta aðeins lookinu hérna. Ég á nú eftir að fínpússa þetta og kannski breyta þessu í eitthvað annað. Við sjáum til.